BAKI, 13 iyun-Sputnik. Futbol üzrə Avropa çempionatında D qrupunun ilk turuna yekun vurulub.
Fransada keçirilən futbol üzrə Avropa çempionatının qrup mərhələsi çərçivəsində İspaniya və Çexiya komandaları üz-üzə gəliblər.
İspanların üstünlüyü ilə keçən oyunda hesab 87-ci dəqiqədə Pikenin baş zərbəsi ilə açılıb.
Matçda başqa qol qeydə alınmayıb — 1:0.
D qrupunun digər oyunu ötən gün Türkiyə və Xorvatiya (0:1) yığmaları arasında baş tutub.
İlk turdan sonra İspaniya və Xorvatiya hərəyə 3 xalla qrupa başçılıq edir. Türkiyə ilə Çexiya isə xal qazanmayıb.
