BAKI, 3 iyun — Sputnik. Ölkəmiz ilk dəfə yelkənli qayıq üzrə Avropa çempionatında iştirak edəcək. Çempionat iyul ayının 15-dən —22-nə qədər, İtaliyanın Crotone şəhərində keçiriləcək.
Azərbaycan Yelkənli İdman Federasiyasının mətbuat xidmətindən Sputnik-ə verilən məlumata görə, Avropadan 33, dünyanın digər qitələrindən 14 olmaqla, ümumən 47 ölkə olmaqla çempionatda 300-ə yaxın idmançı yarışağı gözlənilir.
Azərbaycanı 4 oğlan və 1 qızdan ibarət milli yığma üzvləri təmsil edəcək. Fərid Məmmədzadə, Murad İsmayılov, Murad Allahverdi, İsmayıl Kərimov və Selcan Abbasdan Avropa çempionatında ilk dəfə olaraq öz güclərini sınayacaqlar.
