BAKI, 18 may — Sputnik. 116 il 311 gün yaşayan amerikalı Susannah Mushatt Jones bir neçə gün öncə — mayın 12-də dünyasını dəyişdi. O, dünyanın ən yaşlı qadını olaraq adını tarixə yazdırdı.
İtaliyalı Emma Moranonun isə, uzun ömür sürməyin sirrləri ilə bağlı maraqlı fikirləri var. Sputnik milliyet-ə istinadla xəbər verir ki, 1899-cu il 29 noyabrda anadan olan Morano, dünyada 19-cu əsrdə doğulub, hələ də həyatda olduğu bilinən tək adamdır.
Üç əsr görən, dünya savaşlarına şahidlik edən Morano hələ də İtaliyanın şimalında, İsveçrə sərhədi yaxınlarındakı Verbania qəsəbəsində yaşayır. Uzun ömür sürməyi hər gün çiy yumurta yeməsinə və təxminən 80 ildir subay olmasına bağlayan Morano, hələ də bunu davam etdirir.
74 yaşında qardaşı qızı Maria Antonietta deyib ki, onun üçün hər səhər kəndlilərdən təzə yumurta alıb gətirir: "Yumurtaları çiy olaraq yeyir, yalnız sarısını, əlbəttə. İki çiy yumurtanın yanında 100 qram çiy ət də yeyir. Morano ümumiyyətlə günorta yuxusundan sonra ballı çörək, axşam yeməyində də tərəvəz şorbası yeyir".
Həkimi Carlo Bava Moranonun uzun yaşamasının ən əhəmiyyətli səbəbinin genetik faktorlar olduğunu söyləyir. Onların ailəsində 100 yaşını ötmüş başqa qohumları da var.
Bava Morano isə, oğlu 6 aylıq ikən vəfat etdiyini və ona döyən ərindən boşandığını söyləyib.
