Портфель чиновника, фото из архива - Sputnik Azərbaycan
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Barak Obama Azərbaycan haqqında nə deyib?

© REUTERS / Mandel NGANUS President Barack Obama (C) speaks during the opening plenary of the Nuclear Security Summit at the Walter E. Washington Convention Center on Apri1 1, 2016 in Washington, DC
US President Barack Obama (C) speaks during the opening plenary of the Nuclear Security Summit at the Walter E. Washington Convention Center on Apri1 1, 2016 in Washington, DC - Sputnik Azərbaycan
Xəbərlərə abunə olun
Yandex newsTelegram
ABŞ prezidenti: Azərbaycan nüvə qaçaqmalçılığı və nüvə terrorizmi təhlükələrinin qarşısının alınmasında olduqca mühüm tərəfdaşdır.

BAKI, 2 aprel-Sputnik. Azərbaycan nüvə qaçaqmalçılığı və nüvə terrorizmi təhlükələrinin qarşısının alınmasında olduqca mühüm tərəfdaşdır.

Sputnik xəbər verir ki, bu sözləri ABŞ prezidenti Barak Obama Nüvə Təhlükəsizliyi sammitindən sonra keçirdiyi mətbuat konfransında deyib.

O qeyd edib ki, Azərbaycan sammitdə iştirak edən bir çox ölkə kimi artıq bir sıra addımlar atıb. "Bəzi ölkələrin yüksək zənginləşdirilmiş uran ehtiyatı var, onlar onu azaltmaq barədə qərara gəliblər. Digər ölkələrdə mülki nüvə obyektləri var, lakin vacib təhlükəsizlik təcrübəsi yoxdur və onlar daha yaxşı təhlükəsizlik praktikasını qəbul ediblər.

Dünya liderləri Nüvə Təhlükəsizliyi üzrə Beynəlxalq Sammitin açılışında, Haaqa. Arxiv şəkli - Sputnik Azərbaycan
Dünya liderləri bir arada: Vaşinqton sammiti başladı
 Elə ölkələr də var ki, onlar nüvə materiallarının qaçaqmalçılığı üçün potensial tranzit nöqtələri ola bilərlər. Onlar sərhəd məntəqələrində və nüvə materiallarının müəyyən edilməsində bizimlə birgə işləyiblər. Özünün coğrafi mövqeyinə görə Azərbaycan bu prosesdə mühüm tərəfdaşdır" — deyə Obama bildirib.

ABŞ prezidenti bütün dövlətlərin ümumi təhlükənin qarşısının alınması üçün öz töhfələrini əsirgəmədiklərini əlavə edib.

Nüvə Təhlükəsizliyi Sammitinin iştirakçıları təmas qrupunun yaradılmasına dair qərar qəbul ediblər. Obama bu barədə deyib: "Sammitdə yaradılan təmas qrupu birgə səyləri əlaqələndirəcək və bu sahədə ümumi planların icrasına nəzarət edəcək. Təmas qrupuna 30-dan çox ölkənin ekspertləri daxil olacaq. Onlar qərarlarımızın gerçəkləşməsi və əlaqələrimizi qorumaq üçün mütəmadi olaraq görüşəcəklər".

Qeyd edək ki, Vaşinqtonda keçirilən IV Nüvə Təhlükəsizliyi Sammitində Azərbaycan prezidenti İlham Əliyev də iştirak edib.

Nüvə Təhlükəsizliyi Sammiti daha əvvəl Vaşinqtonda (2010), Seulda (2012) və Haaqada (2014) keçirilib.

Xəbər lenti
0