BAKI, 24 mar — Sputnik. Əfsanəvi futbolçu Yohan Kruiff (Kroyff) dünyasını dəyişib.
Sputnik-in məlumatına görə, o xərçəng xəstəliyindən əziyyət çəkib.
25 aprel 1947-ci ildə Amsterdamda dünyaya gələn Kruiff 68 yaşında vəfat edib.
Kruiff futbolçu karyerası boyunca "Ayaks", "Barselona" kimi nəhəng klubların, o cümlədən Hollandiya millisinin lideri olub. Karyerası ərzində 752 oyun keçirən Kruiff 425 qol vurub. Üç dəfə "Qızıl top"un sahibi olub. "Ayaks" və "Barselona"nın heyətində dəfələrlə Çempionlar kubokunu və ölkə çempionluğunu qazanıb.
Futbolçu karyerasını bitirəndən sonra Kruiff məşqçi kimi də böyük uğurlar qazanıb.
Y. Kruiff 20 əsrin ən yaxşı futbolçularından biri sayılır.
