BAKI, 8 fev-Sputnik. BMT Təhlükəsizlik Şurası Şimali Koreyanın ballistik raketdən istifadə etməsini qınayıb və bunu şuranın qətnaməsini kobud pozmaq kimi qəbul edib.
Sputnik Cumhuriyyət-ə istinadən xəbər verir ki, dünən BMT Təhlükəsizlik Şurası Şimali Koreyanın ballistik raket buraxması ilə əlaqədar olaraq növbədənkənar iclas keçirib.
Təhlükəsizlik şurasının müvəqqəti sədri Rafael Ramires Pxenyanın hərəkətlərini BMT qətnamələrinin ciddi şəkildə pozulması adlandırıb.
BMT-nin bəyanatında deyilir: "Ballistik texnologiya ilə həyata keçirilmiş raket buraxılışı sputnik və ya kosmik gəmi buraxılışı kimi dəyərləndirilsə belə, nüvə silahı texnologiyasının inkişafına töhfə verir".
