BAKI, 5 fev — Sputnik. Dünən karate üzrə dünya və Avropa çempionu Rafael Ağayev "Facebook" səhifəsində ayağının sarğılı şəklini paylaşıb. Bu da qızğın müzakirələrə səbəb olub. Hətta mediada "Rafael Ağayevin ayağı sındı" başlığı altında xəbərlər yayılıb.
Sputnik-in əməkdaşı məsələyə aydınlıq gətirmək üçün Rafael Ağayevlə əlaqə saxlayıb. Çempion ayağının sınma xəbərini təkzib edib, sadəcə zədələndiyini deyib.
"Ayağım qırılmayıb, sadəcə bir az əzələm dartılıb. O da dünən bir az müalicə etdik, düzəldi. Ayağı qırılan idmançı şəkil çəkdirəndə gülər?!", —deyib idmançı.
Onun sözlərinə görə, özü və dostu İtaliya futbol komandasına azarkeşlik edir: "Həmin vaxt ikimiz də eyni formanı geyindiyimiz üçün şəkil çəkdirdik və paylaşdıq. Hər şey yaxşıdır. Hətta hazırda məşqə gedirəm. Bu gün məşqdən sonra şəkil çəkib atacam sosial şəbəkələrə ki, hamı arxayın olsun".
Опубликовано Рафаэлем Агаевым 4 февраля 2016 г.
