BAKI, 22 yan — Sputnik. Yanvarın 22-nə keçən gecə Türkiyənin Mardin vilayətinin Nusaybin rayonunda polis maşınına hücum edilib.
APA-nın yerli mətbuata istinadən xəbərinə görə, PKK terrorçularının beynəlxalq İpək yolu magistralında quraşdırdıqları partlayıcı mexanizm, polisləri daşıyan mikroavtobus keçərkən işə salınıb.
Partlayış nəticəsində avtomobildə olan 9 polis əməkdaşı və 1 mülki şəxs müxtəlif bədən xəsarəti alıb. Xəstəxanaya çatdırılan 10 nəfərdən bəzilərinin vəziyyəti ağırdır.
Hadisəni törədən PKK terrorçularının tutulması istiqamətində əməliyyatlar davam edir.
