BAKI, 11 yan — Sputnik. Bu gün 2015-ci ilin ən yaxşı futbolçusunun adı açıqlanıb.
Sputnik-in məlumatına görə, “Qızıl top” mükafatının yeni sahibi İsveçrənin Sürix şəhərində keçiriləcək tədbirdə bəlli olub.
Mükafata “Qızıl top”un 4 qat (2009, 2010, 2011, 2012) qalibi Lionel Messi, “Barselona”nın digər üzvü Neymar və 3 dəfə (2008, 2013, 2014) bu titula layiq görülmüş Madrid “Real”ının futbolçusu Kriştianu Ronaldo namizəd idi.
Nəticədə ispaniyanın “Barselona” klubunun və Argentina milli komandasının üzvü Lionel Messi 5-ci dəfə “Qızıl top” mükafatına layiq görülüb.
Mərasimdə həmçinin ilin ən yaxşı məşqçisi, simvolik yığması, ötən ilin ən yaxşı qolunun müəllifi və 2015-ci ilin ən yaxşı qadın futbolçusunun da adı bəlli olub.
