BAKI, 14 dek — Sputnik. Prezidentin Milli Təhlükəsizliklə bağlı son sərəncamlarını müsbət qiymətləndirirəm.
Bunu politoloq Sülhəddin Əkbər Sputnik-ə açıqlamasında deyib.
İlham Əliyevin Azərbaycan Respublikasının Dövlət Təhlükəsizliyi Xidməti və Xarici Kəşfiyyat Xidmətinin yaradılması haqqında Fərman imzalamasını şərh edən politoloq, kompleks tədbirlər həyata keçirilməsinin vacib olduğunu qeyd edib.
"Bir neçə gün öncə özəl telekanallardan birində də demişdim. MTN-də ciddi islahatlar aparılmalıdır. Ona görə də yeni xidmət növlərinin yaradılmasını müsbət qarşılayıram. Ancaq təkcə bu xidmətlərin yaradılması ilə vəziyyət öz-özünə yaxşılaşan deyil. Kadr seçimi ciddi olmalıdır. Vətənpərvərliyə və peşəkarlığa üstünlük verilməlidir. Bunun üçün də Akademiyanın işi yenidən qurulmalıdır" — deyə Sülhəddin Əkbər əlavə edib.
Dekabrın 14-də Prezident İlham Əliyev Azərbaycan Respublikasının Dövlət Təhlükəsizliyi Xidmətinin və Azərbaycan Respublikasının Xarici Kəşfiyyat Xidmətinin yaradılması haqqında Fərman imzalayıb.
