BAKI, 3 noy – Sputnik. Bu gün Bakı vaxtilə saat 23:45-də futbol üzrə Çempionlar Liqasının IV turuna start veriləcək.
8 qarşılaşmanın keçiriləcəyi gecədə Türkiyənin "Qalatasaray" klubu Portuqaliyada "Benfika"nın qonağı olacaq. Hazırda qrupda 3-cü pillədə qərarlaşan İstanbul təmsilçisi mövqeyini yaxşılaşdırmaq üçün mütləq qalib gəlməlidir.
Qrupun digər oyununda isə İspaniyanın "Atletiko" (Madrid) klubu Qazaxıstanda "Astana" ilə qarşılaşacaq.
Gecənin ən maraqlı oyunu isə "Real" Madrid ilə PSJ klubları arasında keçəcək. A qrupunun favorit komandaları hazırda liderlik uğrunda mübarizə aparırlar.
