BAKI, 25 okt-Sputnik. Azərbaycan Milli Paralimpiya Komitəsinin atletika idman növü üzrə idmançısı Kamil Əliyev dünya çempionu titulu qazanıb.
Qətərin Doha şəhərində keçirilən lisenziya xarakterli dünya çempionatında Əliyev, uzunluğa tullanmada 7.13 metr nəticə göstərərək çempion adına layiq görülüb.
Sputnik Milli Paralimpiya Komitəsinin məlumatına istinadən xəbər verir ki, Əliyev bu uğuru ilə "Rio de Janeyro-2016" Yay Paralimpiya Oyunlarına birbaşa lisenziya qazanıb.
Dohada keçirilən lisenziya xarakterli dünya çempionatı hal-hazırda davam edir.
