BAKI, 14 okt-Sputnik. Bu gün "Avro-2016"nın seçmə mərhələsinə yekun vurulur.
Sputnik-in xəbərinə görə, H qrupunda qərarlaşan Azərbaycan millisi qrupda son matçına çıxıb.
Azərbaycan millisi səfərdə Bolqarıstanın qonağı olub. Oyun meydan sahiblərinin 2:0 hesabı ilə nəticələnib.
Qolları 20-ci dəqiqədə Aleksandrov, 56-cı dəqiqədə isə Dimitar Rangelov vurub.
Azərbaycan və Bolqarıstan yığmaları arasında Bakıda keçirilən görüşdə qonaqlar 1:2 hesablı qələbə qazanmışdı.
