01:01 17 Sentyabr 2021
Canlı yayım
  • USD1.7000
  • EUR2.0077
  • RUB0.0235
DÜNYA
Qısa URL
27 0 0

Səfər çərçivəsində Nikol Paşinyan İranın yeni seçilən Prezidenti İbrahim Rəisi ilə görüşəcək, bundan sonra onun andiçmə mərasiminə qatılacaq.

BAKI, 4 avqust - Sputnik. Ermənistanın Baş naziri Nikol Paşinyan avqustun 5-də İran İslam Respublikasına işgüzar səfər edəcək.

Sputnik Ermənistan xəbər verir ki, səfər çərçivəsində Nikol Paşinyan İranın yeni seçilən Prezidenti İbrahim Rəisi ilə görüşəcək. O, bundan sonra İran Prezidentinin andiçmə mərasiminə qatılacaq.

Xatırladaq ki, Paşinyanın İrana bundan əvvəlki səfəri bu ilin aprel ayında olub. Onda erməni lider İranın artıq sabiq prezidenti Həsən Ruhani ilə görüşüb. 

İranda prezident seçkiləri və nəticələr

İyunun 18-də İranda növbəti prezident seçkiləri keçirilib. İranın məhkəmə hakimiyyətinin rəhbəri İbrahim Rəisi prezident seçkilərində qalib gəlib.

O, 17 926 345 səs toplayaraq, İranın icraedici hakimiyyətinin başçısı və 13-cü prezidenti olub. 

Avqustun 3-də İranın yeni seçilmiş Prezidentinin etimadnaməsi Konstitusiyanın Mühafizəsi Şurasında imzalandıqdan sonra İslam Respublikası ali rəhbərinin ofisinə, Seçkilər Məcəlləsinin 83-cü maddəsinə əsasən sənədin bir nüsxəsi də daxili işlər nazirinə göndərilib.

İranın yeni seçilmiş Prezidentinin mandatının təsdiqlənməsi mərasimi avqustun 3-də İmam Xomeyni məscidində İslam Respublikasının ali rəhbəri ayətullah Seyid Əli Xaməneinin iştirakı ilə keçirilib.

Bununla da İbrahim Rəisi səlahiyyətlərinin icrasına başlayıb. O, avqustun 5-də isə prezident kimi üzərinə düşən öhdəlikləri yerinə yetirəcəyi andını içəcək.

Həmçinin oxuyun:

İranda İbrahim Rəisinin inauqurasiya mərasiminin proqramı açıqlanıb

İbrahim Rəisi hökumətinin xarici siyasətdəki əsas vəzifəsini açıqladı

İranda prezident seçkisi keçirilir

Əsas mövzular