05:48 23 Fevral 2020
Canlı yayım
  • USD1.7000
  • RUB0.0274
  • EUR1.9035
DÜNYA
Qısa URL
35 0 0

Proqram əlavəsi PDF faylların yaradılması və skan olunmuş sənədlərdə mətnin oxunması üçündür

BAKI, 29 avqust — Sputnik. Kibertəhlükəsizlik üzrə ekspertlər bildiriblər ki, Google Play mağazasında təqdim olunan CamScanner proqram əlavəsində təhlükəli troyan virusu var.

Sputnik Azərbaycan bildirir ki, bu barədə "Kasperski Laboratoriyası"nın saytında qeyd olunub.

Proqram əlavəsi PDF faylların yaradılması və skan olunmuş sənədlərdə mətnin oxunması üçündür. Bildirilir ki, bu proqram əlavəsi və onun növlərinin ümumi yüklənmə sayı 100 milyonu ötüb.

Tədqiqatçılar əlavəyə istifadəçilərin şikayətlərindən sonra diqqət yetiriblər. Əlavənin son versiyalarından birində onlar dropper virusu tapıblar. Bu virus əlavə yükləmə modulunu aktivləşdirir, o isə öz növbəsində kiberquldurun ağlına gələn proqramı qadcetə yükləyir.

Güman edilir ki, bu, proqamın reklam göstərilməsi və xüsusi abunə, yaxud da hesab üzərindən satılması vasitəsilə pul vəsaiti cəlb etmək cəhdi nəticəsində yaranıb. Google şirkəti ekspertlərin virus tapdıqlarını bəyan etməsindən sonra proqramı mağazadan silib.

Əlaqədar

"Telegram" və "WhatsApp" istifadəçiləri, ehtiyatlı olun: yeni casus proqramı peyda olub
Bir gün WhatsApp-ınız qarala bilər...
Hamıya xəbərdarlıq edilir: Bank hesablarınız təhlükədədir
"Huawei" ilə bağlı yeni xəbər var
Teqlər:
virus, proqram, Android, telefon

Əsas mövzular