12:05 18 İyul 2019
Canlı yayım
  • USD1.7000
  • RUB0.0270
  • EUR1.9102
Türkiyə və ABŞ bayraqları

Türkiyə ABŞ-dan istədiyini aldı - Böyük anlaşma

© AFP 2019 / MURAD SEZER
DÜNYA
Qısa URL
12575 0 0

"Bu anlaşma NATO üzrə müttəfiqimizin təhlükəsizliyini gücləndirəcək"

BAKI, 19 dekabr — Sputnik. ABŞ Dövlət Departamenti 3.5 milyard dollar dəyərində "Patriot" hava hücumundan müdafiə sistemlərinin Türkiyəyə satışına razılıq verib. Sputnik Azərbaycan "Anadolu" agentliyinə istinadla xəbər verir ki, ABŞ Müdafiə Nazirliyinin (Pentaqon) Müdafiə və Təhlükəsizlik Sahəsində Əməkdaşlıq Agentliyi satışın təsdiq edilməsinə dair yazılı açıqlama verib.

Yazılı açıqlamada deyilir ki, ABŞ Dövlət Departamenti 3.5 milyard dollar dəyərində "Patriot" hava hücumundan müdafiə sistemlərinin və müvafiq avadanlığın satışını təsdiq etməyə qərar verib. Müdafiə və Təhlükəsizlik Sahəsində Əməkdaşlıq Agentliyi sözügedən satış ilə bağlı Konqresi məlumatlandırıb.

Bundan başqa, sözügedən müdafiə sistemi paketinə radarlar, nəzarət sistemi, atış stansiyası, rabitə avadanlıqları və s. daxil edilib. Bildirilir ki, bu satışın təsdiq olunması Türkiyənin havadan müdafiə qabiliyyətinə əhəmiyyətli çeviklik qazandıracaq.

ABŞ Dövlət Departamentinin bir rəsmisi Türkiyə mətbuatına məsələ ilə bağlı açıqlama verib: "Bu anlaşma NATO üzrə müttəfiqimizin təhlükəsizliyini gücləndirəcək. Bu, müttəfiqləri və tərəfdaşları hava hücumlarından qorumaq səylərinə töhfə verəcək".

O, qeyd edib ki, bu alqı-satqı ABŞ-ın xarici siyasətinə və milli təhlükəsizliyinə də töhfə verəcək: "Türkiyə havadan müdafiə qabiliyyətini inkişaf etdirmək, ərazi bütövlüyünü təmin etmək və regional təhdidlərin qarşısını almaq üçün "Patriot"dan istifadə edəcək".

"Təklif olunan satış Türkiyə ordusunun düşmən hücumlarına qarşı qorunmasını və Türkiyənin sərhədləri içində olan NATO müttəfiqlərini qorumaq məqsədli müdafiə qabiliyyətlərini artıracaq" - deyə ABŞ rəsmisi vurğulayıb.

Əlaqədar

BMT-nin Təhlükəsizlik Şurasında İran müzakirə olunub - Ballistik raketə görə
Trampın “əməyinin” bəhrəsi – İran raket sınağını 2 dəfə artırıb
Terrorçular Azərbaycanla sərhəd bölgəyə raket atdılar
Teqlər:
Pentaqon, "Patriot" havadan müdafiə sistemi, Türkiyə, ABŞ

Əsas mövzular