00:23 22 May 2018
Canlı yayım
Разрушения в Восточной Гуте, Сирия

Humanitar faciə davam edir: İki gündə yüzdən çox adam ölüb

© REUTERS / Bassam Khabieh
DÜNYA
Qısa URL
36 0 0

Yaraqlılar Şərqi Qutanın cənub çıxışından Mlexa yaşayış məntəqəsinə köç edən 300 ailəyə atəş açıb

BAKI, 9 mart — Sputnik. Suriyanın hərbi jurnalisti Həsən Badran Şərqi Qutada öz peşə borcunu yerinə yetirərkən həlak olub.

Sputnik Azərbaycan RİA Novosti-yə istinadla xəbər verir ki, bu barədə Suriyanın milli xəbər agentliyi SANA məlumat yayıb.
Agentlik hərbi müxbirin hansı şəraitdə həlak olduğu barədə detalları açıqlamayıb.

Xatırladaq ki, martın 8-də yaraqlılar Şərqi Qutanın cənub çıxışından Mlexa yaşayış məntəqəsinə köç edən 300 ailəyə atəş açıb.

Daha sonra yaraqlılar məcburi köçkünlərin pənah apardıqları qohumlarının yaşadığı məntəqəni də minaatanlardan atəşə tutublar. Bu zaman hadisə yerində onlarla xarici jurnalist olub. Xoşbəxtlikdən onlar arasında xəsarət alanlar olmayıb.

Ümumiyyətlə, Suriyanın paytaxtı Dəməşq yaxınlığındakı Şərqi Quta şəhərində son iki gündə 100-dən çox insan həlak olub.

Bu barədə məlumatı BMT baş katibinin rəsmi nümayəndəsi Stefan Dyujarrik yayıb.

O qeyd edib ki, Şərqi Qutada toqquşmalar davam edir və son 2 gündə bu toqquşmalar nəticəsində 100-dən çox insanın həlak olduğu bildirilir.

"BMT Təhlükəsizlik Şurasının fevralın 24-də qəbul etdiyi, atəşkəs rejiminin tətbiq edilməsini tələb edən 2401 saylı qətnaməsinin qəbulundan sonra quru döyüşləri və hava zərbələri zamanı yüzlərlə insanın həlak olması, minlərlə yaralının olması barədə məlumatlar daxil olur" — deyə Dyujarrik bildirib.

Onun sözlərinə görə, ərazidə təhlükəli vəziyyət olduğundan BMT-nin humanitar agentlikləri Şərqi Qutanın Duma yaşayış məntəqəsinə humanitar yüklərlə dolu avtomobilləri göndərə bilməyiblər.

Əlaqədar

Suriya İsrailin döyüş təyyarəsini vurdu
Suriya ordusuna hücumdan sonra Pentaqondan maraqlı açıqlama
Türkiyə Suriya ilə sərhədə qoşun yeritdi
Suriya probleminin həlli yolunda mühüm addım atıldı
Teqlər:
East Guta region, Guta, Hasan Badran, Həsən Badran, Dəməşq, Bəşər Əsəd, BMT, Stefan Dyujarrik, Şərqi Quta, Suriya

Əsas mövzular