03:53 20 Noyabr 2017
Canlı yayım
İstefa ərizəsi

Baş nazir istefasının səbəblərini açıqladı

CC0 / Free-Photos / Documents
DÜNYA
Qısa URL
18 0 0

Livanın istefa verən baş naziri: "Hizbullah"ın ölkəni məhv eləməsinə göz yuma bilməzdim"

BAKI, 13 noyabr — Sputnik. Livanın istefa verən baş naziri Səad Həriri, istefasından sonra ilk dəfə televiziya kanalına müsahibə verib. Özünə aid olan "Future" telekanalına danışan Həriri, haqqında dolaşan bəzi iddialara aydınlıq gətirib.

"Bir çoxları düşünür ki, məni istefaya Səudiyyə Ərəbistanı rəhbərliyi məcbur edib. Xeyr, heç kim məni zorla istefa verməyə məcbur edə bilməz. Bunu özüm elədim. Çünki ölkəm Livanda siyasi balans pozulub. İranın təsiri çoxalıb. Xalqı təhlükə barədə xəbərdar etmək üçün istefa verdim. Əgər Livanda balans yenidən təmin olunsa və bu barədə zəmanət alsam, istefamı geri çəkə bilərəm" — Səad Həriri qeyd edib.

Livanın baş naziri Səad Həriri, arxiv şəkli
© REUTERS/ Mohamed Azakir
Livanın baş naziri Səad Həriri, arxiv şəkli

Sputnik Azərbaycan "Timeturk"-ə istinadən xəbər verir ki, Həriri, "Hizbullah"ın siyasətə qoşulmasına qarşı olmadığını bəyan edib: "Ancaq bu, o demək deyil ki, mən "Hizbullah"ın ölkəni məhv eləməsinə susmalıyam. Livandakı siyasi vəziyyəti düzəltməliyik".

"Səudiyyə Ərəbistanında özümü azad hiss edirəm. Kral Salman məni oğlu olaraq görür. Mən də vəliəhd Şahzadə Məhəmməd bin Səlmana hörmət edirəm, o da mənə hörmət edir. Onunla bir çox mövzuda eyni düşünürük. Ancaq bəzi mövzularda fikir ayrılıqlarımız var. Buna baxmayaraq Səudiyyə Ərəbistanı Livana ən böyük maddi yardım edən dövlətdir" — Həriri bildirib.

"Bəs İran necə? Bizə maddi yardım elədiklərini görmüsünüzmü? Xeyr, görməmisiz. Livandakı bəzi qaranlıq qruplar dinimizin mərkəzi olan Səudiyyə Ərəbistanını yox etməyə çalışır. Siz nəyi gözləyirsiz? Bu vəziyyətdə Səudiyyə Ərəbistanı bizi davamlı olaraq sevə bilərmi?" — o vurğulayıb.

Sabiq baş nazir sonda qeyd edib ki, o, üç gün ərzində ölkəsinə geri dönərək istefa ərizəsini rəsmən prezidentə təqdim edəcək.

Əlaqədar

Ermənistan Suriya və Livan ermənilərini Qarabağda yerləşdirmək istəyir
Livanda zibillik üsyanı davam edir
Ermənistan hərbi əməliyyatlara Livan və Suriyadan muzdlular cəlb edir
Teqlər:
Səad Həriri, "Hizbullah", Livan, İran, Səudiyyə Ərəbistanı, baş nazir, istefa

Əsas mövzular