08:17 02 Dekabr 2020
Canlı yayım
  • USD1.7000
  • RUB0.0274
  • EUR1.9035
© Sputnik / Leyla Orujova / İbrahim Həşimov

Ermənistan silahlı qüvvələri bu gün səhər saatlarından humanitar atəşkəsi pozaraq Tərtər rayonunu ağır artilleriyadan atəşə tutub.

Tərtərin Qapanlı, Qazyan, Səhləabad, Əskipara kəndləri, rayon mərkəzi və Şıxarx qəsəbəsi intensiv atəşə tutulub. Yenə də ən çox atəşə məruz qalan yaşayış məntəqəsi Şıxarx qəsəbəsi olub.

© Sputnik / Leyla Orujova / İbrahim Həşimov

Dağlıq Qarabağdakı növbəti, sayca üçüncü atəşkəs rejimi barədə razılaşma oktyabrın 26-da yerli vaxtla səhər saat 08:00-da qüvvəyə minib. Lakin Ermənistan silahlı qüvvələri razılaşma əldə olunandan dərhal sonra Tərtər və Ağdamın cəbhəyanı kəndlərini, oktyabrın 27-də isə Bərdə rayonunu atəşə məruz qoyub.

Ermənistan silahlı qüvvələri sentyabrın 27-də, səhər saat 06 radələrində geniş miqyaslı təxribatlar həyata keçirərək Azərbaycan ordusunun bütün cəbhə xətti boyunca mövqelərini və cəbhə bölgəsində yerləşən yaşayış məntəqələrini iri çaplı silahlardan, minaatanlardan və müxtəlif çaplı artilleriya qurğularından intensiv şəkildə atəşə tutublar.

Dağıdılmış qəbir daşları – Ağcabədi məzarlığının atəşə tutulandan sonrakı videosu >>

Ermənistan silahlı qüvvələrinin döyüş fəaliyyətininin qarşısını almaq və mülki əhalinin təhlükəsizliyini təmin etmək üçün Azərbaycan ordusunun komandanlığı bütün cəbhə boyu qoşunların əks-hücum əməliyyatına başlamağa qərar verib.

Mövzu:
Azərbaycan və Ermənistan arasında müharibə (1145)

Digər videolar

Əsas mövzular