14:28 08 İyul 2020
Canlı yayım
  • USD1.7000
  • RUB0.0274
  • EUR1.9035
© Sputnik / İlham Mustafa / Leyla Orucova

64 yaşlı bağban Vəli Qaçayev Mingəçevirdə bir ilkə imza atıb. O, hətta Gürcüstan və Lənkərandan gətirilən sitrus meyvələrindən daha dadlı, lətli və nazikqabıqlı məhsul yetişdirə bilib.

Deyirlər Azərbaycanda sitrus meyvələri yalnız cənub bölgəsində bitir, onları aran zonada yetişdirmək mümkün deyil. Amma Mingəçevir sakini Vəli Qaçayev illərin zəhməti və qayğısı ilə bunun əksini sübut etməyə müvəffəq olub.

Hindistan narı Qəbələdə – qeyri-adi meyvə Azərbaycanda necə yetişdirilir
© Sputnik / İlham Əhmədov / Kamilla Əliyeva / Leyla Orucova

Maraqlısı odur ki, Qaçayev bağçılıqla həvəskar kimi məşğul olmağa başlayıb, amma 20 il ərzində bu iş hobbidən daha artıq bir məşğuliyyətə çevrilib. Həyətyanı sahəsi olduqca balaca olsa da, hal-hazırda bağban naringi, portağal, feyxoa və limon yetişdirir. Həm də necə yetişdirir!

“Məhsuldarlıq yüksəkdir. Halbuki köhnə bağbanlar Mingəçevirdə bu meyvələrin bitməyəcəyini deyirdilər”, - deyə Qaçayev bizimlə bölüşüb.

Amma həmişə belə olmayıb. İlk illər daha təcrübəsiz olduğu üçün ağaclar quruyub, məhsuldarlıq olmayıb. Amma davamlı zəhmət, böyük həvəs və qayğı nəticəsində 5 ildən sonra əzmkar işinin məhsulunu görməyə başlayıb. Artıq 15 ildir bağban hər sitrus ağacından 100 kiloqrama qədər məhsul alır.

Onun bağında meyvələr cənub zonasındakı analoqlarından haradasa 10-15 gün tez yetişir. Bundan başqa, ağaclarına kimyəvi gübrə vurmayan həvəskar bağban özü üçün sadiq müştəri şəbəkəsi də qura bilib. Səbəblərdən biri də, onun yetişdirdiyi sitrus meyvələrinin qabığının daha nazik, içinin daha dadlı və lətli olmasıdır.

Qaçayevin növbəti layihəsi banan bitkisini Mingəçevir iqliminə uyğunlaşdırmaq olacaq. Bu cür əzmkarlığın göz şahidi olduqdan sonra, onun buna da müvəffəq olacağına heç bir şübhəmiz yoxdur.

Digər videolar

  • Medalın əks tərəfi: Bakı koronavirusun ciddi olduğunu nəhayət anlayıb
    Last update: 11:37 08.07.2020
    11:37 08.07.2020

    Medalın əks tərəfi: Bakı koronavirusun ciddi olduğunu nəhayət anlayıb

    Azərbaycanda qısaca “azad nəfəs” dönəmindən sonra sərt karantin rejimi dəyişmədən qalır. Televizordan isə yalnız koronavirus xəbərlərini eşidirik. Bəs insanlarımız bu virusun doğrudan da təhlükəli olduğuna inanmağa başlayıblarmı?

    117
  • Nə edək ki, koronadan yaxa qurtaraq? – Bakı sakinləri cavab verir
    Last update: 14:22 07.07.2020
    14:22 07.07.2020

    Nə edək ki, koronadan yaxa qurtaraq? – Bakı sakinləri cavab verir

    Artıq bir neçə aydır ki, hamımızın dilində yalnız bir söz, hamımızın ürəyində isə yalnız bir istək var. Koronavirusun ağuşundan çıxacağımız günü səbirsizliklə gözləyirik. Bakı sakinləri bu virusla mübarizədə öz düşüncələrini bizimlə bölüşüblər.

    823
  • ÜST Rusiyanın COVID-19 vaksini ilə maraqlanıb
    Last update: 14:08 07.07.2020
    14:08 07.07.2020

    ÜST Rusiyanın COVID-19 vaksini ilə maraqlanıb

    Ümumdünya Səhiyyə Təşkilatı Rusiyanın koronavirusa qarşı istehsal etdiyi vaksinlə maraqlanıb. Təşkilat bəyan edib ki, onlar sınaqların başa çatmasını gözləyir.

    11
  • Bakı simvolu Gədəbəydə: dağ ortasında əlçatmaz qala necə görünür – video
    Last update: 16:07 06.07.2020
    16:07 06.07.2020

    Bakı simvolu Gədəbəydə: dağ ortasında əlçatmaz qala necə görünür – VİDEO

    Sputnik Azərbaycan Gədəbəyin ən əlçatmaz abidələrindən biri olan Namərd Qalanı çəkməyə müvəffəq olub. Dağın ortasında yerləşən, yerli əhalinin isə ikinci Qız Qalası adlandırdığı bu əzəmətli qalanın necə göründüyünü videomuzda izləyin.

    1284

Əsas mövzular