CƏMİYYƏT
Cəmiyyətin həyatında baş verən aktual hadisələr

Yeməli olmadıqlarına inanmaq mümkün deyil – Şəkili rəssamdan milli yeməklərin maketləri

Abunə olmaq
Şəkinin tanınmış rəssamlarından olan Mənsur Əzizlinin hazırladığı “yeməkləri” görəndə, insan dərhal qaşığını hazırlayıb üstlərinə cummaq istəyir. Amma ehtiyatlı olun! Sən demə, onlar mulyaj imiş.

Şəki şəhərindəki “Sənətkarlar evi”nin otaqlarının birində rəssam Mənsur Əzizlinin hazırladığı yüzdən artıq milli xörək və şirniyyatlarımızın maketləri nümayiş etdirilir. Sərgilənən mulyajlar o qədər təbii görünür ki, onların yeməli olmadığına inanmaq çox çətindir.

Bu işlərin müəllifi etiraf edir ki, Şəkiyə gələn turistlər çox vaxt milli yeməklərimizlə maraqlanır. Piti, plov və dolma kimi təamları hər kəs daddığı halda, mətbəximizin nə dərəcə zəngin olduğunu hər kəs anlaya bilmir. Bunun üçün bu cür layihə hazırlamaq fikrinə gəlib.

İşlərin hazırlanmasında rəssam müxtəlif yapışqan növləri, gips, penoplast, silikon və digər adi dükanlardan alına bilən materiallardan istifadə edib. Bu işləri hazırlamağın digər amalı da artıq itirilməkdə olan bəzi mətbəx adət-ənənələrimizi əbədiləşdirməkdir.

Xəbər lenti
0