NTV və Sputnik-in birgə layihəsi olan "Tı super! Tansı"nın iştirakçısı 3 saylı uşaq evinin yetirməsi Sevda Fətullayeva birinci turdakı çıxışından sonra öz təəssüratlarını bölüşüb.
Müsabiqədə 142 yeniyetmə rəqqas iştirak edir. Onlara öz xoreoqrafik bacarıqlarını nümayiş etdirmək və böyük auditoriyaya hər kəsin rəqs edə biləcəyini sübut etmək şansı verilib.
Azərbaycanı bu genişmiqyaslı layihədə həmçinin İlkin Hüseynov-Sevinc Behbudova rəqs cütlüyü və Abbasqulu Səfərov təmsil edir.
NTV teleşirkəti və Sputnik beynəlxalq informasiya agentliyi və radiosu tərəfindən keçirilən "Tı super! Tansı" beynəlxalq müsabiqəsi Rusiya, MDB və Baltika ölkələrindən olan istedadları birləşdirir və valideyn himayəsindən məhrum uşaqlara arzularını həyata keçirmək üçün şans verir.
