09:41 21 Oktyabr 2020
Canlı yayım
  • USD1.7000
  • RUB0.0274
  • EUR1.9035
İDMAN
Qısa URL
1010

Azərbaycanın futbol üzrə yığma komandasının yeni baş məşqçisi sosial şəbəkədə Qurban bayramı ilə bağlı paylaşım edib

BAKI, 31 iyul — Sputnik. Futbol üzrə Azərbaycan millisinin baş məşqçisi, italyan əsilli Canni De Byazi müsəlmanları Qurban bayramı münasibətilə Azərbaycan dilində olan posterlə təbrik edib.

Sputnik Azərbaycan bildirir ki, De Byazi təbriki Facebook-dakı hesabında paylaşıb. 

Azərbaycan Futbol Federasiyaları Assosiasiyası (AFFA) 64 yaşlı italyan mütəxəssislə bu yaxınlarda ilyarımlıq müqavilə bağlayıb. Müqavilənin müddəti UEFA Millətlər Liqasının cari mövsümünü və DÇ-2022-nin seçmə mərhələsini əhatə edir.

De Byazinin avqustun 10-da Bakıya gələcəyi planlaşdırılır.

 Qeyd edək ki, bu, De Byazinin Azərbaycan dilində ilk təcrübəsi deyil. O, təyinatı ilə bağlı danışarkən rəsmi "Facebook" səhifəsində fikirlərini Azərbaycan dilində ifadə edib. Baş məşqçi əvvəlcə hamını salamlayıb: "Mən Canni De Byazi. Biz birlikdə böyük uğurlara imza atacağıq. Birlikdə inanaq".

UEFA Millətlər Liqası çərçivəsində Azərbaycan komandası ilk oyununu sentyabrın 5-də Bakıda Lüksemburqa qarşı keçirəcək. Sentyabrın 8-də isə komandamız De Byazi ilə birlikdə Kiprə uçaraq yerli komanda ilə qüvvəsini sınayacaq.

 

Əlaqədar

Futbol üzrə millimizin baş məşqçisi bəlli oldu
İdman şərhçisi: “Canni De Byazinin uğur qazanması üçün vaxt lazımdır”
Tək gəlmir: de Byazi köməkçilərini də gətirəcək
Rəsmi: Azərbaycanca danışan Canni De Byazi sükanı ələ aldı

Əsas mövzular