BAKI, 26 yanvar — Sputnik. MBA-nın əfsanəvi basketbolçusu Kobi Brayant ölüb.
Sputnik Azərbaycan TMZ Sports-a istinadla xəbər verir ki, Milli Basketbol Assosiasiyasının (MBA) tarixinə düşən amerikalı idmançı şəxsi helikopterinin Kaliforniyada qəzaya uğraması nəticəsində həlak olub.
41 yaşlı veteran basketbolçunun nəqliyyat vasitəsi ABŞ-ın Los-Anceles şəhərində yerə çırpılıb. Onunla bərabər helikopterdə olan digər dörd şəxs – K.Brayantın üç dostu və pilot da ölüb.
Qeyd edək ki, karyerasını 2016-cı ildə başa vuran K.Brayant karyerası ərzində yalnız bir klubda – “Los-Anceles Leykers”də oynayıb. 5 dəfə MBA çempionu olan basketbolçu yarışın tarixində ən çox xal toplayan 4-cü bombardirdir.
