08:42 03 Dekabr 2020
Canlı yayım
  • USD1.7000
  • RUB0.0274
  • EUR1.9035
İDMAN
Qısa URL
3111

Təlim-məşq toplantılarını uğurla keçən və beynəlxalq yarışlarda uğurla çıxış edən güləşçilər Avropa birinciliyinə vəsiqə qazanacaqlar

Rahim Zakiroğlu, Sputnik Azərbaycan

BAKI, 31 may — Sputnik. May ayının 25-27 tarixlərində paytaxt Bakıda, yunan-roma və sərbəst güləş üzrə Respublika birinciliyinin final mərhələsi keçirildi. Yunan-roma güləşi üzrə Lənkəran yığma komandasının baş məşqçisi Vüqar Sultanovun Sputnik-in bölgə müxbirinə verdiyi məlumata əsasən, Lənkəran bu yarışda 6 idmançı ilə təmsil olunub.

"Lənkəran şəhəri bu yarışda UGİM-in 6 güləşçisi ilə qatıldı və sevindirici haldır ki, Lənkəran UGİM-in 4 yetirməsi medalla Lənkərana qayıtdı. Bunlar 42 kq çəki dərəcəsində 2-ci yer sahibi Quluzadə Elçin, 46 kq çəkidə Şükürzadə Araz, 69 kq çəkidə İbrahimov Qulam və 76 kq çəki dərəcəsində bürünc medal qazanan Kərimov Nurlandır", — deyə baş məşqçi bildirib.

Onun sözlərinə görə, Respublika çempionatının final mərhələsində yer tutan idmançılar milli komandanın heyətinə dəvət edilib və 30 may tarixindən onlar artıq təlim-məşq toplantısına qatılıblar: "Təlim-məşq toplantılarını uğurla keçən və beynəlxalq yarışlarda uğurla çıxış edən güləşçilər, inşallah, Avropa birinciliyinə vəsiqə qazanacaqlar".

Lənkəranlı idmançıların uğurları
© Sputnik / Rahim Zakiroğlu
Lənkəranlı idmançıların uğurları

Qeyd edək ki, hər il Azərbaycan Respublikası Gənclər və İdman Nazirliyi və Azərbaycan Güləş Federasiyasının təqvim planına uyğun olaraq yeniyetmələr arasında yunan-roma və sərbəst güləş üzrə zona yarışları keçirilir. Lənkəranlı idmançılar da zona yarışlarında uğurlu nəticə göstərdikdən sonra Respublika birinciliyinin final mərhələsinə vəsiqə qazanıblar.

Əlaqədar

Güləşçilərimizi növbəti sınaq gözləyir
Güləşçilərimiz üçün son şans
Bakıda güləş üzrə beynəlxalq turnir keçiriləcək
Azərbaycan güləşçisi olimpiadaya lisenziya qazandı
Bu güləşçilər Azərbaycanı Rio Olimpiadasında təmsil edə bilərlər
Qadın güləşçimiz Avropa Çempionu oldu
Teqlər:
Vüqar Sultanov, Respublika çempionatı, Lənkəran, güləşçi, güləş, yarış

Əsas mövzular