İradə Yaqubova: “Elə məktəblər var ki, maddi-texniki bazası yaxşı deyil”
"Bu gün peşə təhsili müəssisələrinin 80%-nin infrastrukturu köhnədir. Maddi-texniki baza müasir tələblərə cavab vermir". Bunu Təhsil Nazirliyi yanında Peşə Təhsili üzə Dövlət Agentliyinin direktoru Famil Mustafayev deyib.
“ELS” Müstəqil Araşdırmalar Mərkəzinin rəhbəri İradə Yaqubova Sputnik Azərbaycan-a deyir ki, bu gün Azərbaycanda peşə təhsili sahəsində çox ciddi islahatlar gedir: “Hazırda peşə məktəbləri, liseyləri birləşdirilib peşə mərkəzləri yaradılır. Həmin o mərkəzlərin maddi-texniki bazasının yaxşılaşdırılması üçün işlər görülür”.
“Bu gün elə peşə təhsili müəssisələri var ki, onların maddi-texniki bazası yaxşı deyil. Ancaq elə məktəblər də var ki, çox gözəl işləyirlər. Bu gün Peşə Təhsili üzə Dövlət Agentliyi bu istiqamətdə də ciddi işlər aparır. Problemlər aradan götürülür” – deyə o bildirib.
