Politoloq Mübariz Əhmədoğlu ABŞ-ın yeni prezidentinin fəaliyyətinin Azərbaycana təsirlərini Sputnik Azərbaycan-a şərh edərkən bu fikirləri işlədib. Mübariz Əhmədoğlunun sözlərinə görə, yaxın vaxtlarda polemika başlayacaq ki, Trampı seçməklə Amerika xalqı dünyanı cəzalandırdı, yoxsa özünü: “Bu vaxta qədər qeyri-ciddi işlərlə kiçik dövlətlər məşğul olurdu. Suriyaya raket atmaqla aydın oldu ki, Amerika da qeyri-ciddi qərarlar qəbul edə bilər. Hətta Makkeynin sözündən belə anlaşılır ki, İdlibdəki kimyəvi silahlarla hücumu Tramp təşkil edib”.
“Dünyada proseslər qeyri-ciddi, proqnozlaşmayan istiqamətdə dəyişib. Yəqin ki, impiçment məsələsini Konqres və onun ətrafındakı qüvvələr aktuallaşdıracaqlar. Azərbaycanda isə heç nə dəyişməyib. Düşünürəm ki, ABŞ-ın əvvəl hakimiyyətə gələn prezidentlərinə nisbətən Trampın hakimiyyətə gəlməsi Azərbaycanda özünü daha az göstərdi” — deyə ekspert bildirib.
Sputnik.Rəy-in keçirdiyi sorğunun nəticələrinə əsasən, fransızların (64%) və almanların (72%) yarıdan çoxu hesab edir ki, Donald Tramp ABŞ prezidenti seçildikdən sonra dünya daha təhlükəli məkana çevrilib.
