BAKI, 20 iyun — Sputnik. Bu gün Azərbaycanın Xarici İşlər naziri Elmar Məmmədyarov ilə Ermənistanın XİN rəhbəri Zöhrab Mnatsakanyan arasında növbəti görüş baş tutacaq.
Sputnik Azərbaycan xəbər verir ki, nazirlərin görüşü ATƏT-in Minsk Qrupu həmsədrlərinin vasitəçiliyi və iştirakı ilə ABŞ-ın paytaxtı Vaşinqtonda keçiriləcək. Görüşdən əvvəl hər iki nazir həmsədrlərlə danışıqlar aparıb. Məmmədyarov və Mnatsakanyan görüşünün Bakı vaxtı ilə bu gün günün ikinci yarısından sonra baş tutacağı gözlənilir.
