23:47 22 Sentyabr 2018
Canlı yayım
  • RUB0.0256
  • USD1.7000
  • EUR2.0024
Azərbaycan Respublikasının Xarici İşlər Nazirliyi

Azərbaycan XİN-dən sərt Ermənistan bəyanatı

© Sputnik / Murad Orujov
SİYASƏT
Qısa URL
274 0 0

XİN: "Deyəsən Ermənistanın oxlokratiya rejimi əvvəlki rejimin səhvlərini təkrarlamağa çalışır?!"

BAKI, 16 may — Sputnik. "Ermənistanda siyasi böhran nəticəsində hakimiyyət dəyişikliyi baş verəndə Azərbaycan tərəfi bildirdi ki, Ermənistanda sağlam təfəkkürlü siyasi qüvvələr hakimiyyətə gələrsə münaqişənin həllində irəliləyişə nail olmaq olar. Amma deyəsən Ermənistanın oxlokratiya rejimi əvvəlki rejimin səhvlərini təkrarlamağa çalışır?!"

Sputnik Azərbaycan xəbər verir ki, bunu Ermənistan XİN-nin açıqlamasına cavab olaraq XİN-nin Mətbuat Xidmətinin rəhbəri Hikmət Hacıyev bildirib. 

Onun sözlərinə görə, Paris görüşündən sonra ATƏT-in Minsk qrupunun həmsədrlərinin bəyanatı və Azərbaycan xarici işlər nazirinin açıqlamasının fonunda Ermənistan XİN-i destruktiv mövqe nümayiş etdirməkdə davam edir.

"Əgər yeni xarici işlər nazirinin təlimatı ilə Sarqsyan rejiminin ünsürü olan mətbuat katibi belə sərsəm açıqlamanı verirsə, onda əminliklə deyə bilərik ki, Ermənistanı eyni aqibət gözləyir", — deyə o əlavə edib.

XİN rəsmisi bildirib ki, Azərbaycan münaqişənin həlli prosesini irəli aparmaq üçün intensiv danışıqların tərəfdarıdır:

"Hər hansı qeyri-real yeni elementlərin daxil edilməsi cəhdləri bütün danışıqlar prosesini iflic edə bilər. Çox tezliklə Ermənistanın hansı yol tutduğunu görəcəyik. Amma hər kəs bilməlidir ki, Azərbaycanın səbrinin həddi vardır".

Əlaqədar

XİN Paşinyanın iddialarına cavab verdi
Azərbaycan XİN sərt bəyanat yaydı
Azərbaycan XİN qalmaqallı xəbəri təkzib etdi
XİN-dən sərt addım: Beynəlxalq müşahidə missiyalarının nümayəndələri...
XİN-dən sərt bəyanat: Müşahidəçiləri yanlış istiqamətə yönləndirmək istəyirlər

Əsas mövzular