07:33 28 Noyabr 2020
Canlı yayım
  • USD1.7000
  • RUB0.0274
  • EUR1.9035
SİYASƏT
Qısa URL
269 0 0

Novruz Məmmədov: "Bir həqiqəti anlamağın vaxtı çatıb ki, yalan, böhtan, qərəzli məlumatlar yaymaqla məşğul olan mətbu orqan artıq mətbu orqan olmaq missiyasını itirir"

BAKI, 20 dekabr — Sputnik. "Financial Times" nəşrində Azərbaycan əleyhinə dərc edilmiş məqaləyə Azərbaycan prezidentinin xarici siyasət məsələləri üzrə köməkçisi Novruz Məmmədov da cavab verib. Sputnik Azərbaycan xəbər verir ki, o, hadisəyə şəxsi "Facebook" səhifəsində münasibət bildirib.

"Təəssüflər olsun ki, Qərbdə bir sıra mətbuat orqanları son 2-3 onillikdə özlərini beynəlxalq münasibətlərin aktorları kimi aparmağa başladılar. Özü də çox məkrli və qərəzli aktor kimi" — Məmmədov deyib.

Prezidentin köməkçisi bildirib ki, belə media orqanlarından biri də "Financial Times"dır: "Amma bir həqiqəti anlamağın vaxtı çatıb ki, yalan, böhtan, qərəzli məlumatlar yaymaqla məşğul olan mətbu orqan artıq mətbu orqan olmaq missiyasını itirir. "Financial Times" şübhəsiz, bu sıradadır və bu gün beynəlxalq aləmdə yaranan gərginlikdə onun da məsuliyyəti var".

"Əgər həqiqətən də sizin haqq-ədalətlə bağlı iddialarınız varsa, son 20-30 ildə dünyanın müxtəlif ölkələrində yüz minlərlə günahsız insanın həlak olması ilə bağlı obyektiv araşdırmaları ortaya qoyun! Gücünüz çatmır, yoxsa… illərlə problemi ilə məşğul olduğunuz Yaxın Şərqi "xoşbəxt etdiniz"?" — N.Məmmədov yazıb.

"Azərbaycana bir dəfə də olsun səfər etməyən, reallıqlardan xəbəri olmayan Yaqland haqqında onun ölkəsində yayılmış məlumatlara göz yuman bu iki üzdəniraq müəllif özlərini hələ utanmadan professor, müstəqil ekspert hesab edirlər" — köməkçi vurğulayıb.

Əlaqədar

Novruz Məmmədov “Şərəf” ordeni ilə təltif olunub
Novruz Məmmədov: “Lapşin məsələsini siyasiləşdirmək lazım deyil”
Novruz Məmmədov Avropa İttifaqını tənqid etdi
Novruz Məmmədov: İqlim dəyişikliyi inkişaf etmiş ölkələrin töhfəsidir
Teqlər:
"Financial Times" nəşri, köməkçi, Novruz Məmmədov, Azərbaycan, prezident

Əsas mövzular