13:19 28 Sentyabr 2020
Canlı yayım
  • USD1.7000
  • RUB0.0274
  • EUR1.9035
© Sputnik / Murad Orujov
"Qarabağ" - "Sileks" oyununda

UEFA-nın qərarına əsasən azarkeşsiz keçən matçda Sputnik Azərbaycan-ın fotomüxbiri ən maraqlı anları lentə həkk edib. Oxucularımıza oyundan şəkilləri təqdim edirik

Bu gün futbol üzrə Azərbaycan çempionu daha bir zəfərə imza atıb.

Sputnik Azərbaycan bildirir ki, Ağdamın "Qarabağ" klubu Çempionlar Liqasının I təsnifat mərhələsindəki ilk oyununda quru hesablı qələbə qazanıb.

Çempionumuz Şimali Makedoniya çempionatının əslində ikincisi olan "Sileks" klubunu Tofiq Bəhramov adına stadionda qəbul edib. Avropa təmsilçisinin çempionu "Vardar" cəzalı olduğu üçün Çempionlar Liqasında iştirak hüququnu Qoran Simovun yetirmələri əldə ediblər.

"Qarabağ"ın aşkar üstünlüyü ilə keçən oyunda 4 cavabsız qol vurulub. Hesabı 11-ci dəqiqədə Xayme Romero açıb. Donald Gerye isə 40-cı və 51-ci dəqiqələrdə fərqlənərək dubl edib. Oyunun sonuna 10 dəqiqə qalmış Mahir Əmrəli 4-cü topu qonaqların qapısından keçirib.

UEFA-nın qərarına əsasən oyun azarkeşsiz keçsə də oxucularımızın oyunun ən maraqlı anlarını izləmək imkanları var. "Qarabağ" - "Sileks" oyunundan kadrlar Sputnik Azərbaycan-ın fotolentində.

Teqlər:
fotolent, futbol, qələbə, "Qarabağ" FK, Çempionlar Liqası

Digər fotolentlər

Əsas mövzular