07:49 14 Noyabr 2018
Canlı yayım
  • USD1.7000
  • RUB0.0251
  • EUR1.9117
S.Vurğun və A.Bakıxanov küçələrinin kəsişməsində yeni çəkilmiş yol xətti

Sürücülərə xəbərdarlıq: Bu gündən yeni cərimə tətbiq ediləcək

© Foto : BNA-nin mətbuat xidməti
XƏBƏRLƏR
Qısa URL
379 0 0

Yolayrıcını keçmə qaydalarının pozulmasına görə altmış manat məbləğində cərimə və üç cərimə balı nəzərdə tutulub

BAKI, 9 oktyabr — Sputnik. Bakı Nəqliyyat Agentliyi bəzi yollarda tıxacın qarşısını alması üçün yeni layihə həyata keçirir. Bəzi küçələrin kəsişməsində sarı xətlər çəkir. Bakı Nəqliyyat Agentliyindən Sputnik Azərbaycan-a verilən məlumata görə, sarı kəsişmə torları yol kəsişməsində nəqliyyatın tıxanmasının qarşısını alır və kəsişməni hər zaman nəqliyyat üçün təmiz saxlayır.

Nəqliyyat vasitəsi sarı kəsişmə toruna o vaxt daxil ola bilər ki, onun çıxışı açıq olsun və sarı qutunu dayanmadan tərk etmək üçün torun digər tərəfində kifayət qədər yer olsun. Sola dönmə əməliyyatını həyata keçirərkən qarşıdan gələn nəqliyyat vasitəsinə mane olmamaq şərtilə sarı qutunun içərisində dayanmaq olar.

Yəni kəsişmənin çıxış hissəsində tıxac varsa, sürücünün sarı kəsişmə toruna daxil olması qadağandır.

Onu da qeyd edək ki, mövcud qanunvericilikdə də bu məsələ kifayət qədər aydın şəkildə öz əksini tapıb. Belə ki, Azərbaycan Respublikası Yol hərəkəti haqqında qanununun 75-ci maddəsinin 2-ci bəndinə əsasən, əgər yolayrıcında və ya hərəkət hissələrinin kəsişməsində tıxac yaranıbsa və bu, sürücünü dayanmağa məcbur edərək digər nəqliyyat vasitələrinin hərəkəti üçün maneə yaradacaqsa, sürücünün belə yolayrıcına və ya kəsişmə yerlərinə girməsi qadağandır.

Bundan əlavə, Azərbaycan Respublikasının İnzibati Xətalar Məcəlləsinin 327.2-ci maddəsinə əsasən, yolayrıcını keçmə qaydalarının pozulmasına görə altmış manat məbləğində cərimə və üç cərimə balı nəzərdə tutulub.

Əlaqədar

Sürücü yolun ortasında avtomobildə yatdı...
Sürücülərə xəbərdarlıq edildi, külək var, ehtiyatlı olun
Sürücülərə istirahət günləri ilə bağlı xəbərdarlıq edildi
Yol polisi sürücülərə xəbərdarlıq edir: Geciksəniz, cərimə ediləcəksiniz
Qurum daşıyıcılara və sürücülərə xəbərdarlıq edib: Qərara əməl etməsələr...
Teqlər:
sarı kəsişmə toru, xəbərdarlıq, Bakı Nəqliyyat Agentliyi, sürücü

Əsas mövzular