00:49 27 May 2020
Canlı yayım
  • USD1.7000
  • RUB0.0274
  • EUR1.9035
XƏBƏRLƏR
Qısa URL
25 0 0

Valideynlər övladları üçün yaradılmış hərtərəfli şəraitə görə Respublika Prezidentinə dərin minnətdarlıqlarını bildiriblər

BAKI, 26 dekabr — Sputnik. Daxili işlər nazirinin müavini, Daxili Qoşunların komandanı general-leytenant Şahin Məmmədovun Daxili Qoşunların Bakı şəhərində yerləşən "N" saylı hərbi hissəsində əsgər valideynləri ilə görüşü keçirilib.

Sputnik Azərbaycan xəbər verir ki, görüşdən əvvəl Daxili Qoşunların komandanı şəxsi heyətin kazarma-məişət şəraiti, qidalanması, sağlamlıq durumu və təminat-təchizatı ilə tanış olub, ərazidə aparılan quruculuq-abadlıq işləri ilə maraqlanıb. Hərbi hissə komandiri döyüş hazırlığının vəziyyəti, o cümlədən şəxsi heyətin mənəvi-psixoloji durumu barədə məruzə edib.

General-leytenant Ş.Məmmədov döyüş xidmətinin təşkili və digər zəruri məsələlərlə əlaqədar aidiyyəti vəzifəli şəxslərə müvafiq tapşırıqlarını verdikdən sonra əsgər valideynləri ilə görüşərək, onların müraciətlərini dinləyib.

Görüşün təşkil olunmasında əsas məqsədin valideynlərin müraciət və təkliflərinin dinlənilməsi olduğunu vurğulayan cənab komandan qeyd edib ki, Daxili Qoşunların bütün hərbi hissələrində əsgərlərin yüksək səviyyədə xidmət aparması üçün hərtərəfli şərait yaradılıb.

Diqqətə çatdırılıb ki, Daxili Qoşunların hərbi qulluqçularının sosial-məişət şəraitinin yaxşılaşdırılması məqsədilə hərtərəfli şəraitə malik yaşayış kompleksləri, yeni hərbi şəhərciklər, qərargah binaları, əsgər kazarmaları, yeməkxanalar, tibb məntəqələri və s. xidməti otaqlar ən müasir zəruri avadanlıqlarla təchiz edilib.

Daxili işlər nazirinin müavini bildirib ki, bütün bunlar bir daha Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin hərbi qulluqçulara göstərdiyi diqqət və qayğının bariz nümunəsidir.

Əsgər valideynləri övladları üçün yaradılmış hərtərəfli şəraitə görə Respublika Prezidentinə, həmçinin Daxili İşlər Nazirliyinin rəhbərliyinə dərin minnətdarlıqlarını bildiriblər.

Görüşdən sonra Daxili Qoşunlar komandanı əsgər valideynlərini dinləyərək, onların arzu və istəklərinin yerinə yetirilməsi istiqamətində konkret göstərişlər verib, icrası mümkün olan məsələlər isə yerindəcə həllini tapıb.

Əlaqədar

Əsgər valideynlərinin nəzərinə!
Müdafiə Nazirliyindən əsgər valideynlərinə çağırış
Həmin gün bütün valideynlər əsgər övladları ilə görüşə biləcəklər
Teqlər:
general-leytenant Şahin Məmmədov, Daxili Qoşunların komandanı, daxili işlər nazirinin müavini, valideyn, görüş, əsgər

Əsas mövzular