16:01 07 Mart 2021
Canlı yayım
  • USD1.7000
  • RUB0.0228
  • EUR2.0327
XƏBƏRLƏR
Qısa URL
318 0 0

Hazırda Fuad Cabbarov və Lamiyə Ələkbərovanın vəzifələrini Azər Xəlilovun gətirdiyi iki ayrı şəxs icra edir

BAKI, 27 oktyabr — Sputnik. Bu yaxınlarda "Azad Azərbaycan" müstəqil Teleradio Kompaniyasının (ATV) vitse-prezidenti təyin olunan Fuad Cabbarov vəzifəsindən imtina edib. Sputnik Azərbaycan olke.az-a istinadən xəbər verir ki, buna səbəb Fuad Cabbarovla ATV-nin yeni prezidenti Azər Xəlilov arasında yaranan fikir ayrılığıdır.

"Fuad Cabbarov ATV-yə vitse-prezident təyin olunandan sonra, cəmi bir neçə gün işə çıxıb. ATV-də idarəetmə məsələləri ilə bağlı Azər Xəlilovla Fuad Cabbarov arasında fikir ayrılığı yarandığı üçün vitse-prezident ona həvalə olunan vəzifədən könüllü şəkildə imtina edib" — deyə məlumatda bildirilir.

Başqa məlumata görə, ATV-nin digər yeni vitse-prezidenti Lamiyə Ələkbərova da naməlum səbəblərdən işə çıxmır: "Hazırda Fuad Cabbarov və Lamiyə Ələkbərovanın vəzifələrini Azər Xəlilovun gətirdiyi iki ayrı şəxs icra edir".

"ARB Media Qrup"un rəsmisi İsmayıl Həsənov məsələ ilə bağlı açıqlama verib: "KİV-də "ARB Kəpəz" telekanalının baş direktoru Fuad Cabbarovun vəzifəsindən azad olunaraq, başqa bir televiziyada rəhbər vəzifəyə təyin olunduğu barədə məlumat yayılmışdı. "ARB Media Qrup" olaraq bu məsələ ilə bağlı heç bir rəsmi münasibət bildirməyə ehtiyac görməmişdik. Həmçinin, digər telekanaldan da təyinatla bağlı açıqlamaya rast gəlməmişəm. Bildirmək istəyirəm ki, Fuad Cabbarov işindən ayrılmayıb, o, son on gün ərzində şəxsi işləri ilə bağlı Bakı şəhərinə gəlmişdi, artıq Gəncəyə qayıdıb və hazırda da "ARB Kəpəz" telekanalına rəhbərlik edir".

Xatırladaq ki, ötən ay ATV-də rəhbərliyin dəyişilməsindən sonra, vitse-prezident vəzifəsini icra edən, telekanalın eks-prezidenti Vüqar Qaradağlının qaynı Rauf Dadaşov da işdən çıxarılıb. Onların yerinə isə yeni şəxslər təyin edilib.

Əlaqədar

Mətbuat Şurası ATV əməkdaşlarına fiziki təzyiqlə bağlı prokurorluğa müraciət edib
ATV-nin əməkdaşlarını aparan maşın Qarabağ kanalına düşüb
Teleradio Şurası ATV rəhbərliyinə irad bildirib
Teqlər:
Lamiyə Ələkbərova, "ARB Media Qrup", Fuad Cabbarov, "Azad Azərbaycan" müstəqil Teleradio Kompaniyası, Vüqar Qaradağlı, Azər Xəlilov, ATV, vitse-prezident, prezident

Əsas mövzular