05:36 28 Sentyabr 2021
Canlı yayım
  • USD1.7000
  • EUR1.9932
  • RUB0.0234
CƏMİYYƏT
Qısa URL
16 0 0

Ölkənin bəzi yerlərində temperaturun 42-43 dərəcəyədək artacağı təqdirdə kiçik ehtiyatsızlıq və ya diqqətsizlik yanğınlara səbəb ola bilər.

BAKI, 3 avqust - Sputnik. Milli Hidrometeorologiya Xidmətinin məlumatına görə, yaxın günlərdə ölkə ərazisində havanın temperaturunun daha da yüksələcəyi, bəzi yerlərdə temperaturun 42-43 dərəcəyədək artacağı gözlənilir.

Sputnik Azərbaycan bildirir ki, bununla əlaqədar Fövqəladə Hallar Nazirliyi əhaliyə müraciət edib.

Müraciətdə deyilir ki, belə hava şəraitində kiçik ehtiyatsızlıq və ya diqqətsizlik müxtəlif məkanlarda, xüsusilə açıq sahələrdə və meşə massivlərində yanğınlarla nəticələnir, həmçinin kondisionerlərə tələbatın yüksəlməsi elektrik naqillərinin yüklənib sonda qısaqapanmaya səbəb olma riskini artırır. Bununla əlaqədar Fövqəladə Hallar Nazirliyi əhalini yüksək temperaturun yanğın təhlükəsini artırdığını nəzərə alaraq yanğın təhlükəsizliyi qaydalarına ciddi əməl etməyə çağırır.

Həmçinin, günvurma təhlükəsindən qorunmaq üçün belə günlərdə açıq havada, o cümlədən çimərliklərdə günəş şüaları altında çox qalmamaq, habelə açıq rəngli, yüngül, xüsusilə pambıq parçadan olan geyimlərdən istifadə etmək, daha çox kölgədə və ya sərin yerdə qalmaq və bol maye qəbul etmək tövsiyə olunur.

Nazirlikdən qeyd olunub ki, təhlükə zamanı vətəndaşlar 112-yə zəng etsinlər.

Eləcə də oxuyun:

Teqlər:
hava, isti, yanğın, günvurma, FHN, xəbərdarlıq

Əsas mövzular