CƏMİYYƏT
Cəmiyyətin həyatında baş verən aktual hadisələr

"Smart-kart" tipli sayğaclardan imtina xəbərinə aydınlıq gətirildi

© Sputnik / Anar MustafayevГазовые счетчики, фото из архива
Газовые счетчики, фото из архива - Sputnik Azərbaycan
Abunə olmaq
"Mexaniki sayğacların quraşdırılmasında hər hansı problem görülmür və bu həm də "Azəriqaz" İB üçün maliyyə baxımından xeyli sərfəli hesab olunur"

BAKI, 15 noyabr — Sputnik. Bu gün bir sıra informasiya mənbələrində "Azəriqaz" İstehsalat Birliyinin "smart-kart" tipli sayğaclardan imtina etməsi və ümumiyyətlə bundan sonra bu nəsil sayğacların quraşdırılmayacağı barədə məlumatlar yayılıb.

Mayə qaz daşıyan velosipedçi, arxiv şəkli - Sputnik Azərbaycan
CƏMİYYƏT
Qazı evinizə çatdıracaqlar, həm də əvvəlkindən daha ucuz - Sakinlərə şad xəbər

Sputnik Azərbaycan-a "Azəriqaz" İstehsalat Birliyindən daxil olan məlumatda bildirilir ki, yazılan xəbərlər həqiqətə uyğun deyil və belə bir qərar qəbul olunmayıb: "Əslində, Birlik maliyyə imkanlarını nəzərə alaraq "İTRON GALLUS" şirkətindən "smart-kart" tipli sayğacların alışını azaldıb. "Azəriqaz" İB belə hesab edir ki, bu cür addım təşkilatın maliyyə resurslarını daha səmərəli istifadə etməyə və digər vacib istiqamətlərdə lazımi işləri görməyə imkan yaradacaq. Digər tərəfdən "smart-kart" tipli sayğacların quraşdırılması bundan sonra da davam etdiriləcək. Məsələn, Mənzil Tikinti Kooperativlərinin (MTK) inşa etdiyi çoxmərtəbəli binalarda sayğaclar daxildə (çöl eyvanlarda) olduğu üçün mexaniki sayğac quraşdırılmır, çünki bu, sərfiyyatın qeydiyyatı üçün çətinlik yaradır. Ona görə də belə tikililərdə "smart-kart" tipli sayğaclar həm quraşdırılacaq, həm də nasazlıq zamanı, eləcə də yoxlama vaxtı çatarkən eyni markalı sayğaclarla əvəzlənəcək.

Daha bir məqama diqqət çəkmək istərdik ki, mexaniki sayğaclardan istifadə edən abonentlərimizin ödənişləri son illər xeyli yaxşılaşıb, yığımlar, demək olar ki, 100 % yerinə yetirilir. Belə olan halda, mexaniki sayğacların quraşdırılmasında hər hansı problem görülmür və bu həm də "Azəriqaz" İB üçün maliyyə baxımından xeyli sərfəli hesab olunur. Bəzi mətbuat orqanlarında "smart-kart" tipli sayğacların daha çox problem yaratdığı barədə deyilənlər də düzgün yanaşma deyil. Çünki "İTRON GALLUS" şirkətinin istehsal etdiyi sayğacların keyfiyyəti beynəlxalq sertifikatlarla təsdiqini tapıb və "Azəriqaz" İB-nin aldığı bu qurğularda hər hansı problem yaşanmır".

Xəbər lenti
0