21:37 18 Noyabr 2018
Canlı yayım
  • USD1.7000
  • RUB0.0258
  • EUR1.9267
Çoxmərtəbəli binalar

Güzəştli mənzillərlə bağlı yeni xəbər var

© Sputnik / Irade CELIL
CƏMİYYƏT
Qısa URL
108 0 0

Yasamalda 2 minə yaxın sosial mənzilin satışı nəzərdə tutulub

BAKI, 30 iyul — Sputnik. "Yaxın zamanda sosial mənzillər yenidən satışa çıxarılacaq. Mənzil İnşaatı Dövlət Agentliyinin (MİDA) məlumatına görə, "güzəştli mənzil" sisteminin təkmilləşdirilməsi üçün agentlik Nəqliyyat, Rabitə və Yüksək Texnologiyalar Nazirliyi və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə əməkdaşlıq ilə yanaşı "Ernst & Young" audit şirkətini cəlb edilərək, sisteminin Amerika Sertifikatlaşdırılmış İctimai Mühasiblər İnstitutunun (AICPA) müəyyən etdiyi beynəlxalq standartlara əməl olunması üzrə yoxlamalar keçirib. Bu isə o deməkdir ki, yaxın zamanda artıq sosial mənzillərin yenidən satışını həyata keçirmək mümkündür".

Sputnik Azərbaycan xəbər verir ki, bu sözləri iqtisadçı-ekspert Vüqar Bayramov öz "Facebook" səhifəsində yazıb. O, qeyd edib ki, mənzillərə müraciət mexanizmi və qiymətlər dəyişməyib. Belə ki, yenə də ilk seçim edənlər mənzilə sahib olacaq.

"Qiymətlərə gəldikdə isə, ƏDV daxil olmaqla 1 otaqlı mənzillərin qiyməti — 29925 manatdan, 2 otaqlı mənzillərin qiyməti – 47282 manatdan, 3 otaqlı mənzillərin qiyməti – 65626 manatdan başlayacaq. Sosial ipoteka krediti hesabına mənzilləri alan zaman aylıq ödənişlər 1 otaqlı mənzil üçün 129-136 manat, 2 otaqlı mənzil üçün 203-236 manat, 3 otaqlı mənzillər üçün isə 282-288 manat olacaq" — V.Bayramov bildirib.

Güzəştli mənzillər
Karikatura
Güzəştli mənzillər

Mənzillərin sahələrinə gəldikdə isə, ekspertin sözlərinə görə, xarici perimetr üzrə 1 otaqlı mənzillər təxminən 40 kv. metr, 2 otaqlı mənzillər 70 kv metrədək, 3 otaqlı mənzillər isə 84 kv metrədək olacaq: "Orta hesabla bir kvadratmetr mənzilin qiyməti 748 manatdır. Mənzillər təmirlidir və mətbəx mebeli ilə təmin ediliblər. Mənzillər mərhələli şəkildə satışa çıxarılacaq".

İqtisadçı əlavə edib ki, bütövlükdə, Yasamalda 2 minə yaxın sosial mənzilin satışı nəzərdə tutulub.

Əlaqədar

Bakıda mənzildən içində xeyli dollar və qızıl olan seyf oğurlandı
Güzəştli mənzil müəmması böyüyür: Texniki nasazlıq, yoxsa...
Güzəştli mənzillərin satışında şübhəli məqamlar
Özbaşınalığa son: Artıq yeni mənzil və fərdi evlərin sahibləri "kupça" ala biləcəklər
Teqlər:
güzəştli mənzil, MİDA, Mənzil İnşaatı Dövlət Agentliyi, Vüqar Bayramov, sosial

Əsas mövzular