15:12 22 Yanvar 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
365 0 0

Bütün risklər yoxlanıldıqdan sonra körpə normal çəkiyə çatdırılıb və evə buraxılıb

BAKI, 14 dekabr — Sputnik. Azərbaycanda çəkisi cəmi 950 qram olan oğlan uşağı doğulub. Respublika Müalicə Diaqnostika Mərkəzindən (RMDM) Sputnik Azərbaycan-a bildiriblər ki, həkimlərə onu xilas etmək və normal vəziyyətə gətirmək müyəssər olub.

Bu, son illər ərzində son dərəcə aşağı çəkisi olan uşağın xilas edilməsi ilə bağlı ilk belə haldır. Bundan əlavə, uşağın özünün doğulması da unikaldır. Çünki adı gizli saxlanılan ana artıq 8 ildir nikahda olsa da, sistematik uşaq düşməsindən əziyyət çəkirdi.

Artıq 28 yaşı olan qadın bir daha ana ola bilməyəcəyini düşünərək, özünü sonsuz sayırmış. Amma möcüzə baş verib. Hamilə qalan qadın RMDM-ə müraciət edib. Klinikada araşdırma zamanı müəyyən olunub ki, qadın yaxın qohumuna ərə gedib və çox ehtimal ki, döl düşmələrinin səbəbi də məhz bu faktdır.

Neantoloq Arzu Həsənovanın sözlərinə görə, hamiləliyin 32-ci həftəsində dünyaya gələn körpə dərhal retinopatiya riski ilə bağlı müayinəyə göndərilib, eşitmə qabiliyyəti yoxlanılıb və digər zəruri müayinələr keçirilib. Bütün risklər yoxlanıldıqdan sonra körpə normal çəkiyə çatdırılıb və müalicəsi davam etdirilmək şərtilə RMDM-dən evə buraxılıb.

Qeyd edək ki, buna qədər, hamiləliyin 28 həftəsindən tez doğulan və çəkisi 1 kiloqramdan az olan uşaqlar ölü doğulmuş uşaq sayılırdı. Amma 2015-ci ilin yanvarından beynəlxalq normalara keçiləndən sonra hamiləliyin 22 həftəsində və 500 qram çəki ilə doğulan uşaqlar diri doğulmuş uşaq sayılır. Müasir tibb belə uşaqları normal çəkiyə çatdıraraq valideynlərinə qaytarmağa imkan verir.

Əlaqədar

Ata körpə oğlunu təpiklədi
Bir problemin izi ilə və ya körpələri niyə ac qoyuruq
Azərbaycanda yol kənarında körpə meyiti tapıldı
Şok hadisə: Körpə uşaq narkotik dozasından öldü
Bakıda körpə faciəli şəkildə həlak oldu
Teqlər:
beynəlxalq normalar, Respublika Müalicə Diaqnostika Mərkəzi, körpə uşaq, hamiləlik, möcüzə

Əsas mövzular