12:04 02 Dekabr 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
10713

Daha sonra kollektiv həm region, həm də paytaxtda təşkil edilən azsaylı xalqların festivallarında iştirak etməyə başlayır

Rahim Zakiroğlu, Sputnik Azərbaycan

BAKI, 25 iyun — Sputnik. Astara rayonu ölkəmizin ən qədim yaşayış məskənlərindən biridir. Qədim tarixə və zəngin mədəniyyətə malik Astara ərazisində qədim zamanlardan əkinçilik və sənətkarlıq inkişaf edib.

Bu ərazidə, əsasən də çəltikçilik və çayçılıq geniş yayılıb. Sahələrə çəltik və çay əkin-biçininə gedən kəndlilərin dilindən heç zaman əməksevərliyi tərənnüm edən xalq mahnıları əskik olmayıb.

Rayonun Kakalos kəndində uzun illər mədəniyyət sahəsində çalışan Fərbiyə Şabanova, bu mahnıları və rəqsləri yaşatmaq üçün "Əvəsor Xalq Kollektivi"ni yaradıb. Fərbiyə xanım ilk dəfə 1964-cü ildə bu ideyanı həyata keçirib.

Fərbiyə Şabanova Əvəsor Xalq Kollektivi ilə
© Sputnik / Rahim Murad
Fərbiyə Şabanova "Əvəsor Xalq Kollektivi" ilə

"O vaxt mən hələ Azərbaycan Dövlət Teatr İnstitutunun Mədəni Maarif fakültəsində qiyabi oxuyarkən və rayonumuzun Balaca Şahağacı kəndinin 8 illik natamam orta məktəbində işləyərkən, bir rəqs qrupu yaratdım. Yaratdığım kollektivə o vaxt hələ ad verməmişdim və ilk olaraq elə işlədiyim Balaca Şahağacı kənd məktəbində "Üç gül" xalq rəqsini hazırlayıb təqdim etdik" – Sputnik Azərbaycan-ın müsahibi deyir.

O, 1970-ci ildə Astara Rayon Pionerlər Evinə direktor vəzifəsinə təyin edilib: "Rayonun özündə işləsəm də, kollektivimin məşqlərinə və hazırladıqları rəqslərə daim nəzarət edirdim. Elə həmin vaxtdan rəhmətlik anamdan öyrəndiyim talış və Azərbaycan xalq mahnılarını, bayatıları, əmək nəğmələrini və s. kollektivin repertuarına daxil etdim".

2000-ci ildə Mədəniyyət Nazirliyinin əmrinə əsasən, Əvəsor Folklor Kollektivinin adı dəyişdirilərək Əvəsor Xalq Kollektivi oldu
© Sputnik / Rahim Murad
2000-ci ildə Mədəniyyət Nazirliyinin əmrinə əsasən, "Əvəsor Folklor Kollektivi"nin adı dəyişdirilərək "Əvəsor Xalq Kollektivi" oldu

Fərbiyə xanımın yaratdığı kollektiv 1985-ci ildə rəsmən "Əvəsor Folklor Kollektivi" adlanır: "Bundan sonra kollektivimiz həm region, həm də paytaxtda təşkil edilən azsaylı xalqların festivallarında iştirak etməyə başladı. Müstəqillik qazanandan sonra isə, 1994-95-ci illərdə iki dəfə Mədəniyyət Nazirliyi tərəfindən qardaş Türkiyədə keçirilən festivala göndərildik. Biri Kocaelidə, digəri isə paytaxt Ankarada keçirildi".

"2000-ci ildə Mədəniyyət Nazirliyinin əmrinə əsasən, "Əvəsor Folklor Kollektivi"nin adı dəyişdirilərək "Əvəsor Xalq Kollektivi" oldu" — əlavə edir həmsöhbətimiz.

Qeyd edək ki, hazırda kollektivdə 2 yaş qrupu var. 1-ci yaş qrupunda 7-13, 2-ci yaş qrupunda isə 14-40 yaş arası üzvlər fəaliyyət göstərir. Onu da əlavə edək ki, Fərbiyə xanım bütün tədbir və rəqslər üçün kollektivin istifadə etdiyi geyimləri özü tikib.

Əlaqədar

Lənkəranlı "Nənələr" Sputnik üçün oxudular
Dünyanı heyran qoyan azərbaycanlı "Nənələr"
"Mel"in köçürdüyü gəlinlər artıq nənə olublar...
"Nənəmin ölümünə hazırlaşarkən elə bir hadisə baş verdi ki..."
Teqlər:
"Əvəsor Xalq Kollektivi", "Əvəsor Folklor Kollektivi", "Üç gül" xalq rəqsi, Fərbiyə Şabanova, Astara rayonu, talış, rəqs, Azərbaycan, mahnı

Əsas mövzular