04:26 23 Sentyabr 2020
Canlı yayım
  • USD1.7000
  • RUB0.0274
  • EUR1.9035
CƏMİYYƏT
Qısa URL
18011

Qeyri-adilik axtarışında olan bərbərin hobbisi müştərilərinin saçını gözübağlı qaydaya salmaqdır

İlham Mustafa, Sputnik Azərbaycan

BAKI, 15 mart — Sputnik. Goranboy rayonunda yaşayan 24 yaşlı Afiq İsgəndərov 7 ildir ki, bərbərliklə məşğuldur. Onu digər bərbərlərdən fərqləndirən cəhəti isə müştərilərinin saçını gözübağlı kəsə bilmək bacarığıdır.

İki ildir bu sahədə özünü sınayan ustanın sözlərinə görə, müştərilərinin saçını bu üsulla qırxmaq onun hobbisidir. O, tək qayçı-daraqla deyil, saçkəsən maşın və ülgüclə də gözübağlı rahatlıqla işləyir.

"Bunu öyrənərkən əvvəllər çətinlik çəkdim. Hətta bir neçə dəfə əlimi qayçı ilə kəsdim" — deyir.

Gözübağlı saç kəsməyi yeni öyrənən vaxt müştərilərin narazılıqları ilə də üzləşib. Lakin sonradan öz üzərində daha çox işləyərək məqsədinə nail ola bilib.

Afiq İsgəndərov
© Sputnik / Ilham Mustafa
Afiq İsgəndərov

"Yeni öyrənənlər üçün çox çətindir gözübağlı ustalıq etmək. Qıraqdan baxana asan gələ bilər, amma asan deyil" — A. İsgəndərov bildirir.

Hazırda onun yanına gələn müştəri üçün fərqi yoxdur, Afiq onun saçını gözüaçıq düzəldəcək, yoxsa gözübağlı. O, hər iki halda müştərilərin istədiyi formada, istədiyi ölçüdə onların saçlarını kəsərək, yola sala bilir.

Bərbərin sözlərinə görə, gözübağlı saç kəsməyi əllərinin hissiyatı ilə bacarır. Əllərinin nə hiss etdiyini izah etmək isə onun üçün o qədər asan deyil. Həmsöhbətimiz hər hansı bir istedad yarışması keçirilərsə, iştirak etmək fikrindədir, üstəlik qalib də ola biləcəyinə əmindir.

Əlaqədar

Düzəltdiyi sənət əsərlərini satmağa əli gəlməyən usta
Türk usta bir möcüzə gerçəkləşdirdi
Əsərləri ilə insanları valeh edən usta
Azərbaycanlı ustanın icadı görənləri heyrətə salır
Təndir düzəldən ustaların sayı kəskin surətdə azalıb
Müştərisinin geri dönəcəyini 6 il gözləyən usta
Teqlər:
gözüaçıq, gözübağlı, Afiq İsgəndərov, müştəri, əl, bərbər, Goranboy rayonu, usta, saç

Əsas mövzular