12:13 18 Oktyabr 2019
Canlı yayım
  • USD1.7000
  • RUB0.0265
  • EUR1.8907
Mağaza

Qəfil qərar sahibkarları çıxılmaz vəziyyətə salıb

© Sputnik / Anar Mustafayev
CƏMİYYƏT
Qısa URL
1022944

Qaçaqmalçılıq yolu ilə ölkəyə gətirilən məhsullar mağazalara ayaq açıb

BAKI, 17 fev — Sputnik. Tütün məhsullarının nağdsız satışı istehlak bazarında siqaret qıtlığı yaratmaqdadır. Yeni qaydalara əsasən, tütün məhsullarının pərakəndə satışı istisna olmaqla, onların alqı-satqısı yalnız nağdsız şəkildə aparıla bilər.

Bu zərurət nədən yaranıb və Azərbaycanda nağdsız hesablaşmalarla bağlı problemlər necə həll olunmalıdır? Bu vəziyyəti Sputnik Azərbaycan-a şərh edən iqtisadçı-ekspert Vüqar Bayramovun sözlərinə görə, aksiz markalı məhsulların, eləcə də siqaret və digər tütün məmulatlarının topdansatışının nağdsızlaşdırılması vacibdir.

"Bu, dövriyyənin leqallaşdırılması baxımdan əhəmiyyətlidir. Siqaret bazarında dövriyyə o qədər böyükdür ki, onu hesablamaq və dövlət vergisinə cəlb etmək çətin idi. Amma şirkətlərin və eləcə də mağazaların bu prosesə hazır olmaması nəticədə qaçaqmalçılıq yolu ilə ölkəyə daxil olan məhsulların mağazalara axınına stimul yaranır" — ekspert deyib.

O, nağdsız hesablaşmalarla bağlı problemlərin həllinə onun tətbiqi üçün vaxt verilməsindən başlamağın vacib olduğunu bildirib: "Əvvəla, nağdsız hesablaşmaların tətbiqi üçün keçid müddətinin müəyyənləşdirilməsinə ehtiyac var. Məsələn, qanunvericiliyə əsasən, sahibkarlara nağdsız hesablaşmaların tətbiqi üçün 6 ay hazırlıq vaxti verilə bilər ki, bu müddətdə də xüsusən də mağazalar və supermarketlər prosesə hazırlaşarlar".

Ekspert hesab edir ki, nağdsız hesablaşmalarla bağlı tələbin ən azı ilkin mərhələdə pilot olaraq Bakıda tətbiq edilməsi və daha sonra rayonlara transfer edilməsinə ehtiyac var: "Nəinki ucqar rayonlarımızda, hətta paytaxta yaxın rayonlarda belə, nağdsız hesablaşmalar vərdişi zəifdir. O baxımdan da, birinci mərhələdə Bakının pilot olaraq seçilməsi məqsədəuyğundur".

"Dövriyyənin əhəmiyyətli hissəsinin də Bakının payına düşdüyünü nəzərə alsaq, bu, vəsaitlərin böyük hissəsinin leqallaşdırılması deməkdir. Bu zaman, hökumətin rayonlar üçün nağd şəkildə topdan satılan siqaretlərin paytaxt mağazalarına pərakəndə daxil olmaması üçün də konkret nəzarət mexanizmlərinin işlənməsinə ehtiyac var" — Vüqar Bayramov deyib.

O, problemin həlli üçün dövlət qurumlarının iri topdansatış siqaret müəssisələri ilə birbaşa danışıqlar aparmasına da ehtiyac olduğunu vurğulayıb: "Dövlət qurumları bu problemi danışıqlar yolu ilə həll etməyə çalışmalıdır. Təbii ki, maarifləndirmə tədbirləri də diqqətdən kənarda qalmamalıdır".

Əlaqədar

Azərbaycanda bu qədər qadın siqaret çəkir
Siqaret cibində partladı
Siqaretdən istifadə məhdudlaşdırılır
Ölkədə siqaretlər yenidən bahalaşdı
Siqaret ilə bağlı cəzalar artırıldı
Azərbaycanın ən çox siqaret çəkilən rayonları bunlardır
Siqaret və spirtli içkilər bahalaşıb
Bu gündən bütün siqaretlər yeni qiymətlə satılacaq
Teqlər:
nağdsız satış, alqı-satqı, tütün, sahibkar, siqaret, Vüqar Bayramov, məhsul

Əsas mövzular