07:42 29 İyul 2021
Canlı yayım
  • USD1.7000
  • EUR2.0095
  • RUB0.0231
İnfoqrafika: Məşhur azərbaycanlı şahmatçılar
© Sputnik / Elnur Salayev

Azərbaycanın iki kişi qrossmeysteri dünya şahmat reytinqində ilk onluqdadır, qadınlar arasında isə Günay Məmmədzadə inamla irəliləyir.

Azərbaycanlı şahmatçılar dünya şahmat reytinqində lider mövqelərini qoruyub saxlayırlar. Son illər ərzində Şəhriyar Məmmədyarov ölkənin ən yaxşı şahmatçısıdır. Bu yaxınlarda Buxarestdə (Rumıniya) keçirilən Grand Chess Tour superturnirində qələbə qazanan Məmmədyarov dünya reytinqində kişilər arasında beşinci yerə yüksəlib.

Dünya şahmat reytinqinin ilk onluğuna həmçinin digər azərbaycanlı qrossmeyster Teymur Rəcəbov da daxildir. Həmyerlimiz TOP-10-da onuncu yerdədir.

Qadınların hesabında isə qrossmeysterimiz Günay Məmmədzadə inamla irəliləyir. Azərbaycan qadın şahmatçıları arasında reytinqdə rekord sayda – 2460 xal toplayan Məmmədzadə bunun sayəsində dünya reytinq cədvəlində 25-ci yerə yüksəlib.

Yaxın vaxtlarda daha bir həmyerlimiz Aydın Süleymanlı da dünya şahmat elitasına ayaq aça bilər. Ötən il Moskvada "Aeroflot-open" turnirində qələbə çalaraq irəli sıçrayan Süleymanlı bu turnirin tarixində qalib gələn ən gənc şahmatçı olub.

Teqlər:
Azərbaycan, qrossmeyster, şahmatçı, reytinq, şahmat

Digər infoqrafikalar

Əsas mövzular