BAKI, 20 iyul - Sputnik. Şəmkir rayon Polis Şöbəsinə rayon ərazisindəki mənsillərin birindən naməlum şəxs və ya şəxslərin oğurluq etməsi barədə məlumat daxil olub.
Sputnik Azərbaycan Daxili İşlər Nazirliyinin mətbuat xidmətinin məlumatına istinadən bildirir ki, polis əməkdaşları dərhal hadisə yerinə gedərək müəyyən araşdırmalar həyata keçiriblər.
İstintaq-əməliyyat tədbirləi nəticəsində məlum olub ki, rayon sakinləri Aytəkin Nağıyev və Həsrət Rüstəmov iyul ayının 14-dən 15-nə keçən gecə qonşuluqdakı şəhid ailəsinə məxsus fərdi yaşayış evinə qeyri-qanuni yolla daxil olaraq oradan ümumi dəyəri 25 min manat olan qızıl-zinət əşyalarını oğurlayıblar. Şübhəli şəxslər maddi sübutlar ilə birlikdə saxlanılaraq istintaqa təhvil verilib.
Eləcə də oxuyun:
-
Xızıda qoyun oğruları dəmiryolu şlaqbaumunu qıraraq qaçıblar
-
Falçı qadın və əri polislər tərəfindən saxlanıldı, onlar həm də silah gəzdirirmiş
