15:40 25 Yanvar 2021
Canlı yayım
  • USD1.7000
  • RUB0.0226
  • EUR2.0705
HADİSƏ
Qısa URL
404 0 0

Onun meyiti dalğıc-xilasedicilər tərəfindən tapılaraq sudan çıxarılıb

BAKI, 3 iyul — Sputnik. Dünən Kür çayının Ağstafa rayonu, Saloğlu qəsəbəsindən keçən hissəsində batmış digər 1 nəfərin — 1991-ci il təvəllüdlü Şahlar Ramiz oğlu Mamayevin cəsədi, bu gün saat 09:27-də Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən tapılaraq sudan çıxarılıb. Bu barədə Sputnik Azərbaycan-a Fövqəladə Hallar Nazirliyinin (FHN) mətbuat xidmətindən məlumat verilib.

Qeyd edək ki, dünən Ağstafada 2 polis əməkdaşı Kürdə boğulub. Hadisə Kür çayının rayonun Saloğlu kəndi ərazisindən keçən hissəsində qeydə alınıb.

Üç polis əməkdaşı öz peşə bayramlarını qeyd etmək üçün Kürün kənarına gəliblər. Kürdə çimən zaman su axını onları aparıb. Polis əməkdaşlarından 1-i xilas edilib, 2 polis əməkdaşı isə suda boğulub.

Batmış iki nəfərdən birinin — 1993-cü il təvəllüdlü Qalib Cəlal oğlu Novruzovun cəsədi dünən saat 20:30-da Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən tapılaraq sudan çıxarılıb.

Hər üç polis Dəmir Yolu Nəqliyyatında Polis İdarəsinin Ağstafa Xətt Polis Bölməsinin əməkdaşıdır.

Əlaqədar

Polis əməkdaşı polis günündə intihar edib
Bu ölkədə polislər 6 ayda 500-ə yaxın insanı güllələyib
Partlayış oldu, polislər yaralandı
"Dövlət Yol Polisinin əməkdaşı bizneslə məşğul ola bilməz"
Yol polisi xırda xətanı nazir səviyyəsinə necə qaldırdı?
Teqlər:
Saloğlu qəsəbəsi, Ağstafa rayonu, xilas, Kür çayı, polis

Əsas mövzular