16:47 20 Aprel 2021
Canlı yayım
  • USD1.7000
  • EUR2.0507
  • RUB0.0223
HADİSƏ
Qısa URL
34 0 0

Azərbaycanda ən çox ölüm hallarının baş verdiyi sahələr açıqlanıb. Tikinti sektorunda 39 hadisə baş verib və bu hadisələr zamanı həyatını itirənlərin sayı 13 nəfər, xəsarət alanların sayı isə 29 nəfər olub.

BAKI, 16 may — Sputnik. 2015-ci ildə Əmək və Əhalinin Sosial Müdafiəsi Nazirliyi (ƏƏSMN) yanında Dövlət Əmək Müfəttişliyi Xidməti istehsalatla əlaqədar 149 bədbəxt hadisənin tədqiqatını aparıb. Xidmətdən Trend-ə verilən məlumata görə, bu hadisələr nəticəsində 49 nəfər həyatını itirib, 111 nəfər müxtəlif dərəcəli bədən xəsarəti alıb.

"2014-cü ilə nisbətən bədbəxt hadisələrin sayı 76 hal, bu hadisələr nəticəsində həyatını itirənlərin sayı 41 nəfər, xəsarət alanların sayı isə 72 nəfər azalıb", — deyə Xidmətdən bildirilib.

Qeyd olunub ki, iqtisadi fəaliyyət üzrə istehsalatla bağlı bədbəxt hadisələrin daha çox tikinti sektorunda, emal sənayesində, nəqliyyat sektorunda və energetika sahəsində baş verməsi müəyyən edilib. Yenə də tikinti sektoru bədbəxt hadisələrin sayına görə birinci yerdə gəlir.

"Tikinti sektorunda 39 hadisə baş verib və bu hadisələr zamanı həyatını itirənlərin sayı 13 nəfər, xəsarət alanların sayı isə 29 nəfər olub", — Xidmət qeyd edir.

Dövlət Xidmətindən bildirilib ki, Azərbaycanda istehsalatda bədbəxt hadisələrin qarşısının alınması üçün ardıcıl tədbirlər həyata keçirilir.

Əlaqədar

Göygöldə məktəbdə bədbəxt hadisə baş verib, şagird ağır xəsarət alıb
Yenə də bədbəxt hadisə: bu problem Azərbaycanda hələ uzun müddət olacaq
Yeniyetmə bədbəxt hadisənin qurbanı oldu
Tikinti sektorunun tənəzzül dövrü başlayıb
Bölgələrdə təmir-tikinti işləri dayanıb
Teqlər:
bədbəxt hadisə, Dövlət Əmək Müfəttişliyi Xidməti, ölüm, tikinti, Əmək və Əhalinin Sosial Müdafiəsi Nazirliyi

Əsas mövzular