Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Bu peşə bədbəxt hadisələrin sayına görə "liderdir"

© Sputnik / Fuad HasanovTikinti işləri
Tikinti işləri - Sputnik Azərbaycan
Abunə olmaq
Azərbaycanda ən çox ölüm hallarının baş verdiyi sahələr açıqlanıb. Tikinti sektorunda 39 hadisə baş verib və bu hadisələr zamanı həyatını itirənlərin sayı 13 nəfər, xəsarət alanların sayı isə 29 nəfər olub.

BAKI, 16 may — Sputnik. 2015-ci ildə Əmək və Əhalinin Sosial Müdafiəsi Nazirliyi (ƏƏSMN) yanında Dövlət Əmək Müfəttişliyi Xidməti istehsalatla əlaqədar 149 bədbəxt hadisənin tədqiqatını aparıb. Xidmətdən Trend-ə verilən məlumata görə, bu hadisələr nəticəsində 49 nəfər həyatını itirib, 111 nəfər müxtəlif dərəcəli bədən xəsarəti alıb.

SOCAR-ın çilingəri bədbəxt hadisə nəticəsində həlak oldu

"2014-cü ilə nisbətən bədbəxt hadisələrin sayı 76 hal, bu hadisələr nəticəsində həyatını itirənlərin sayı 41 nəfər, xəsarət alanların sayı isə 72 nəfər azalıb", — deyə Xidmətdən bildirilib.

Qeyd olunub ki, iqtisadi fəaliyyət üzrə istehsalatla bağlı bədbəxt hadisələrin daha çox tikinti sektorunda, emal sənayesində, nəqliyyat sektorunda və energetika sahəsində baş verməsi müəyyən edilib. Yenə də tikinti sektoru bədbəxt hadisələrin sayına görə birinci yerdə gəlir.

"Tikinti sektorunda 39 hadisə baş verib və bu hadisələr zamanı həyatını itirənlərin sayı 13 nəfər, xəsarət alanların sayı isə 29 nəfər olub", — Xidmət qeyd edir.

Dövlət Xidmətindən bildirilib ki, Azərbaycanda istehsalatda bədbəxt hadisələrin qarşısının alınması üçün ardıcıl tədbirlər həyata keçirilir.

Xəbər lenti
0