BAKI, 10 iyun — Sputnik. Azərbaycanda istifadə olunan bütün vaksinlərin hamısı iki dozalıdır. Sputnik Azərbaycan-ın xəbərinə görə, bunu Səhiyyə Nazirliyinin nəzdində fəaliyyət göstərən İşçi Qrupun üzvü Nailə Daşdəmirova deyib.
O qeyd edib ki, 28 gün ərzində üzrlü səbəbdən ikinci dozanı ala bilməyən şəxslərə 56 gün şans verilir və həmin müddətdə də ikinci dozanı vurdurmayanlar artıq növbəti 6 ay üçün gözləməli olacaqlar.
Nazirlik rəsmisi deyir ki, yalnız 18 yaşına çatmayanlar, xroniki ağır xəstəliyi olanlar, hamilə və südverən analar vaksin vurdura bilməzlər.
Nazirlik rəsmisi digər məsələyə də aydınlıq gətirib. O qeyd edib ki, İgG analizi verərək COVID-19 pasportu almaq olmaz: "Yalnız PCR analizi nəticəsində təsdiqlənən şəxslər üçün pasport verilir".
"Bu gün üçün Azərbaycanda südverən analar, hamilə və 18 yaşına çatmayan şəxslər vaksinasiyadan azaddır: “Ümumdünya Səhiyyə Təşkilatının ekspertləri hazırda bu istiqamətdə tədqiqatlar aparırlar. Hələlik bununla bağlı hansısa qərar qəbul edilməyib”, - deyə o əlavə edib.
Qeyd edək ki, Azərbaycan peyvəndləmə üzrə Müstəqil Dövlətlər Birliyinin ölkələri arasında birinci yeri tutur. Belə ki, ölkə əhalisinin artıq 15,9%-i vaksinlənib. Bu isə 2,3 milyon doza vaksin deməkdir.
Eləcə də oxuyun:
-
Azərbaycana daha 40 min doza “Sputnik V" vaksini gətirilib
-
Azərbaycan vaksinasiyada MDB lideridir
-
Azərbaycanda "Pfizer" vaksininin tətbiqinə başlanacaq - Tarix açıqlandı
