07:52 20 İyun 2021
Canlı yayım
  • USD1.7000
  • EUR2.0259
  • RUB0.0235
İQTİSADİYYAT
Qısa URL
Büdcə müzakirələri (21)
92

Elman Rüstəmov: "Milli valyutanın məzənnənin ucuzlaşması tədiyyə balansının problemlərini daha da ağırlaşdırır"

BAKI, 6 dek — Sputnik. "Bütövlükdə neft sektoru nəzərə alınmaqla, ölkənin xarici ticarət və xidmətlər balansı profisitlidir. Lakin, görülmüş monetar və fiskal tədbirlər tədiyyə balansında kəsiri tam aradan qaldırmayıb".

Mərkəzi Bankın sədri Elman Rüstəmov Azərbaycan Dövlət İqtisad Universitetində olub
© Photo : UNEC
Mərkəzi Bankın sədri Elman Rüstəmov Azərbaycan Dövlət İqtisad Universitetində olub

Sputnik xəbər verir ki, bunu parlamentdə büdcə müzakirələri zamanı, Mərkəzi Bankın sədri Elman Rüstəmov deyib. O bildirib ki, proqnozlara görə, 2016-cı ildə tədiyyə balansında 5 mlrd. dollar həcmində kəsir gözlənilir.

"Aparılan təhlillər göstərir ki, bu defisitin 80%-i bütövlükdə kapitalın və maliyyənin hərəkəti hesabındakı kəsirlə əlaqədardır. Yəni, bunlar fiksə edilmiş xarici öhdəliklərdir. Cari hesabın hələ də kəsirlə olması onunla bağlıdır ki, 2016-cı ildə neftin, təxminən 16% ucuzlaşması davam edib. Nəticədə cəmi ixracın həcminin 2015-ci illə müqayisədə, 2016-cı ilin sonuna 18% və ya 2,8 mlrd. dollar azalacağı gözlənilir", — Rüstəmov qeyd edib.

Onun sözlərinə görə, qeyri-neft ixracında da azalma müşahidə edilir: "Struktur amilləri təmizlənməklə bu azalmanın həcmi 20%-dir. Qeyri-neft idxalı isə hələ də qeyri-neft ixracını əhəmiyyətli üstələməkdə davam edir".

Mərkəzi Bank sədri vurğulayıb ki, bütövlükdə məzənnənin ucuzlaşması tədiyyə balansının problemlərini, yəni kapital hissəsinin problemlərini həll etmir: "Əksinə, belə ucuzlaşma tədiyyə balansının bu hissəsində olan borcları daha da ağırlaşdırır. Çünki, bu borclar xarici valyutada fiksə olunub və bu borcları ödəmək üçün əlavə xərclər tələb olunur. Əlavə xərclərin böyük hissəsi isə büdcədən maliyyələşdiyi üçün, büdcə və vergi sistemi üçün əlavə gərginliklər yaradır".

Mövzu:
Büdcə müzakirələri (21)

Əlaqədar

Manat 11 faiz ucuzlaşıb
İşıq və qazın qiymətinin artırılması büdcəyə 300 milyon manat qazandıracaq
Komitə sədri: "Vəziyyət narahatlıq doğurur"
Spiker büdcədəki gözlənilən dəyişikliklərdən danışdı
Plenar iclasda büdcə müzakirələri başladı
Teqlər:
Mərkəzi Bank, Elman Rüstəmov, tədiyyə balansı, büdcə, manat, qiymət, neft

Əsas mövzular