09:51 17 İyul 2018
Canlı yayım
  • RUB0.0273
  • USD1.7000
  • EUR1.9921
Oksigen zavodu

Ölkədə istehsalın həcmi azalıb

© Azərbaycan Prezidentinin Rəsmi internet səhifəsi
İQTİSADİYYAT
Qısa URL
24 0 0

2016-cı ilin yanvar-oktyabr aylarında sənaye istehsalı haqqında statistika açıqlanıb

BAKI, 16 noy — Sputnik. Sənaye müəssisələri və bu sahədə fəaliyyət göstərən fərdi sahibkarlar tərəfindən, 2016-cı ilin yanvar-oktyabr aylarında 26,0 milyard manatlıq və ya əvvəlki ilin müvafiq dövrü ilə müqayisədə 0,2 faiz az sənaye məhsulu istehsal edilib. Bu barədə Sputnik-ə Dövlət Statistika Komitəsinin (DSK) mətbuat xidmətindən məlumat verilib.

Sənaye məhsulunun 65,8 faizi mədənçıxarma sektorunda, 28,2 faizi emal sektorunda, 5,2 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,8 faizi isə su təchizatı, tullantıların təmizlənməsi və emalı sektorunda istehsal olunub. Mədənçıxarma sektorunda neft hasilatı 0,8 faiz, əmtəəlik qaz hasilatı isə 5,0 faiz azalıb.

DSK-nın məlumatına görə, emal sektorunda qida məhsullarının istehsalı 3,6 faiz, toxuculuq sənayesi məhsullarının istehsalı 2,4 dəfə, geyim istehsalı 35,3 faiz, ağacın emalı və ağacdan məmulatların istehsalı 26,6 faiz, kağız və karton istehsalı 8,8 faiz, poliqrafiya məhsullarının istehsalı 4,2 faiz, hazır metal məmulatlarının istehsalı 18,8 faiz, kompüter və elektron məhsulların istehsalı 14,5 faiz, elektrik avadanlıqlarının istehsalı 2,7 dəfə, avtomobil, qoşqu və yarımqoşquların istehsalı 17,1 faiz, mebel istehsalı 17,3 faiz, maşın və avadanlıqların quraşdırılması və təmiri işləri 44,9 faiz artıb, içkilərin istehsalı 13,6 faiz, tütün məmulatlarının istehsalı 16,4 faiz, dəri və dəri məmulatlarının, ayaqqabıların istehsalı 63,9 faiz, kimya sənayesi məhsullarının istehsalı 14,5 faiz, rezin və plastik kütlə məmulatlarının istehsalı 13,3 faiz, tikinti materiallarının istehsalı 14,5 faiz, metallurgiya sənayesi məhsullarının istehsalı 2,2 faiz, maşın və avadanlıqların istehsalı isə 11,1 faiz azalıb.

Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 1,9 faiz, su təchizatı, tullantıların təmizlənməsi və emalı sektorunda isə 0,8 faiz azalıb. Sənayenin qeyri-neft sektorunda məhsul istehsalı 3,4 faiz artıb, neft sektorunda isə 0,7 faiz azalıb.

Əlaqədar

Ekspert: Yerli istehsal baha başa gəlir
Yerli istehsal pilotsuz uçuş aparatlarının döyüş imkanları nümayiş olunub
Parlamentdən "pivə güzəşti": gördülər ki, yerli istehsal çökür...
Şərab istehsalçılarının ən böyük dərdi bəlli oldu
"İstehsal dondurulsa belə, yenə neft bolluğu müşahidə ediləcək"
Azərbaycanda istehsal olunan malların vahid məlumat bazası yaradılacaq
Teqlər:
statistika, Dövlət Statistika Komitəsi, azalma, məhsul, istehsal, sənaye müəssisələri

Əsas mövzular