08:01 17 Sentyabr 2021
Canlı yayım
  • USD1.7000
  • EUR2.0077
  • RUB0.0235
AZƏRBAYCAN
Qısa URL
20 0 0

"COVID-19 pandemiyası kimi iqtisadi sarsıntılar bir daha göstərdi ki, iqtisadiyyatın bir ixrac məhsulundan asılılığını azaltmaq və daha dayanıqlı olmaq üçün iqtisadi şaxələndirmənin genişləndirilməsi vacibdir".

BAKI, 21 avgust — Sputnik. COVID-19 Azərbaycan və Qazaxıstan iqtisadiyyatlarının əhəmiyyətli dərəcədə kiçilməsinə səbəb olub. Sputnik Azərbaycan “Report”-a istinadən xəbər verir ki, bu barədə Asiya İnkişaf Bankının (ADB) məlumatında deyilir.

Məlumata görə, hər iki ölkə təbii ehtiyatlarla zəngin olsalar da, COVID-19 pandemiyası kimi iqtisadi sarsıntılar bir daha göstərdi ki, iqtisadiyyatın bir ixrac məhsulundan asılılığını azaltmaq və daha dayanıqlı olmaq üçün iqtisadi şaxələndirmənin genişləndirilməsi vacibdir.

Məlumatda qeyd olunur ki, Azərbaycanın böyük neft və qaz ehtiyatları onun iqtisadiyyatına öz töhfəsini verir. Məlumatlar göstərir ki, 2020-ci ildə ölkənin ixracı 36,6 % azalıb. Tələbə gəlincə, 2019-cu ildə 3,5 % artım nümayiş etdirmiş idxal, 2020-ci ildə 11,1 % azalıb. 2019-cu ildə 2,5 % artmış Azərbaycan iqtisadiyyatı ötən il 4,3 % kiçilib.

“2021-ci il üzrə Asiya İnkişaf Proqnozu” hesabatına görə, pandemiyanın zəifləməsi və enerji daşıyıcılarına qlobal tələbin bərpa olunması səviyyəsindən asılı olaraq, 2021-ci ildə Azərbaycanda iqtisadi artım bərpa olunacaq, 2022-ci ildə isə iqtisadi artım sürətlənəcək”, - ADB-nin analitikləri hesab edirlər.

Həmçinin oxuyun:

Əsas mövzular